السلام عليكم ورحمة الله وبركاته (◕‿◕✿)


كيف حالكمـ زعماء
كل الامنيات للزعيم بالتوفيق اليوم


نجي للموضوع
ياعالم علموني انا على خطا او صواب
مو معقول الي يصير بديت اوسوس


لقب
{ نادي القرن الاسيوي }
بطولات الهلال
الـ {50}
لاعبين الهلال سواء المحليين او المحترفين
كذا سوا بالعالم




اليوم قدر الله علي اني اشوف برنامج باحد القنوات الرياضيه
الي اول مره اسمع فيها
كانو مستضيفين حرامي المقالات المدعو خالد الشعلان


طبعا البرنامج كان الساعه 9 الصباح
وركزو على التوقيت
يوم الاربعاء وقت مدارس ودوامات والساعه 9 الصباح
انا شكيت انه اعاده بس مكتوب مباشر
تحسون انهم خاشين شي او يستحون ان احد يشوف من مستضيفين



تكلمو عن عدة نقاط وخرط فاضي بقول الي تخص الهلال
طبعا كل البرنامج يخص الهلال




اولا : تكلم عن ايقاف رادوي
يقول المفروض يوقف 12 مباراة { درزن } ويدفع غرامه 28 الف
وياسر 4 مباريات وغرامه 6 الاف ريال
وايقاف جريتس وسامي مباريتين
والامير نواف بن سعد لانهم نزلو الملعب
مابقى الا يقول ايقاف الجمهور لانهم حضرو
مع ان امن الملعب ماقصرو مع الجماهير ومانقول غير حسبي الله ونعم الوكيل



يقول وش دخل النصر برادوي
وعمر النصر مااهتم بغير ناديه ولاعبينه
ونسى الوليد بن بدر يوم يدق على القناة السعوديه ببرنامج
وطلب بشطب رادوي وسوالف كوزمين ....الخ




ويقول رادوي ماعنده اخلاق
اخلاقه تحت الصفر
ويسمي لجنة الانضباط لجنه رادوي والمفروض يعتبر رادوي نفسه رئيس اللجنه






وطبعا نسى غالي وحركاته
خنق وركل وضرب وماجته الا عقوبه وعلى استحياء
يقول ان غالي انظلم لانه ماقصد يضرب ياسر


قسم مريض يقول حركة يده طبيعيه ماقصد يضربه



كذالك وليد عبدالله بمباراة الفتح لما تهجم على الحكم
يقول انه كان بس يبغى يتكلم معه ماكان ناوي يطقه
ماكان 4 كانو ماسكين وليد يالله قدرو عليه



والله وكاننا مانشوف وكان المبارات تنقل على الراديو مو على التلفزيون




ثانيا : تهنئه بلاتر

يقول هم سالوه وهو عندهم { بديرتهم } اكيد بيهنيهم


وتجاهل استقبال الملك عبدالله وتهنئته للهلاليين



ثالثا: عن الكتاب الهلاليين الجاسر والروقي تحديدا
لانهم قالو عنه وربعه انهم مرضى نفسيين



حتى الامير عبدالرحمن بن مساعد
ماسلم منه عشانه يدافع عن رادوي



والطامة الكبرى يقول

البطوله الاسيويه مو مهمه

المهم بطولة الخليج الي مشارك فيها النصر

ياربي اضحك والا اصيح



وبدا يطالب لجنة الانضباط انها تسرح نفسها
مايدري انه المتضرر الاول هو وناديه
لانهم ماراح يلاقون احد يرد على طلباتهم

واشياء كثيره تخليك توسوس
تشك بنفسك
تحس انهم يشوفون مباريات غير الي احنا نشوف
تحسهم عايشين بكوكب ثاني ودوري ثاني


بالنهايه مااقول للشعلان الا
يالله صباح خير



دعواتكم له بالشفاء العاجل

توضيح مهم
البرنامج مو على الرياضيه السعوديه
على قناة اسمها الرايه سبورت

وتراني ماقمت الصبح
بس الساعه كانت 11 مساء بتوقيتي