نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ ريال مدريد ♥ ||

هلالي ويموت بسامي · #16049 21/03/2010, 02:34 AM

"
"

الفريق اليوم مستواه عادي جداً ..
كانهم جايين يلعبون مباراة تحصيل حاصل ويمشون .. ما ادري وش سبب البرود اللي دخلوا فيه اللاعبين !

احسن شيء في المباراة كلها الهدف اللي دخل فينا واهم من الهدف وقته اللي ما كان متاخر .. ولا لو ما سجل خيخون متاكد اننا راح نطول ما سجلنا وممكن تفلت النقاط الثلاث من يدينا .. عموماً الفريق اول ما حس بالخطوره قدر يقلب المباراة وبـخمس دقائق .. وهذا شيء كويس لكن الاهم ان بيلي وفالدانو يطالبون اللاعبين انهم ما يتهاونون ابداً !

واتمنى نلقى حل لقرانيرو ولاسنا بس قبل ندخل في الحسم .. اثنين عاله ونقص ع الفريق وما يقدمون الا العك الكروي .. الدكه مليانه اسماء تقدم افضل من اللي يقدمون هالاثنين بواجد !

ما قلت اننا محظوظين فيه

اُقسم بالله اكثر لاعب قدم للفريق هالموسم .. مقدم عمل خُرافي في النص ..
هدفه اليوم تتويج لمجهوده مع الفريق بعد هدفه الاول في مباراة فياريل .. هالحشاش من افضل الاشياء اللي سويناها في الميركاتو

..

يال لبى بس يا ناس ..
يا لبى

.. اقسم بالله انه يرد الروح هالانسان ..

مستوى فوق البطل ، رغم ان بيلي ما يعتمد عليه اساسي ويعتمد على ناس اقل منه مستوى .. الا انه يدخل ويحترق ويقدم كل شيء في كرة القدم ، ويطلع بعد المباريات ويصرح انه مبسوط ويتمنى يستمر مع مدريد .. من الاشياء اللي تخليك تنبسط ان عندك واحد مثل فارت

..

انت وش قصتك خخ ؟
ادري انك مستغرب .. وادري انهم قليلين ادب هالخيخون
ما يدرون انك تعصب بسرعه خخ

معليش بس ترا خيخون قليلين ادب كانوا ناوين يفوزون علينا يوم يجيبون الهدف الاول خخخ
ادري هالانديه ذولي ما يصلحون يستفزونك .. بس وش نسوي ؟ احسن شيء انهم استغزوك لان الفريق ما كان بيومه .. كذا استفزوك عشان كذا بخمس دقايق تشوت فاول ويكمل عليه فارت ، وبعدها بدقيقه تحرك كوره لالونسو وناخذ 3 نقاط ونمشي ..

اكثر شيء فرحت فيه انه سجل ..
يحتاج هدف هدفين وثلاث عشان يفك الضغط .. لازم الاربعاء يسجل وقدام اتليتكو اهم شيء يسجل .. محتاج يفك الضغط عن نفسه ويرجع الثقه فيه من الجمهور والصحافه .. الولد عنده اصرار وعزيمه وده يقدم شيء .. يسوي كل شيء هو في الملعب .. تسجيله الاربعاء والسبت مُهم ودافع قوي له وراح يسكت الصحافه بهالهدفين وبعدها يشوف شغله ..
تكلم هيقوين بعد المباراة بتصريح ..
واعجبني من كلامه جمله مُهمه جداً قال فيها ( علينا ان نتمكن من الفوز دائما ، ان نعود بالنتيجة امر لابد منه والا لنظل في منازلنا افضل لنا ، علينا ان نواصل طريقنا فموسمنا لم يتبق به الا الدوري ويجب احرازه ) .
متاكد ان الولد عنده اصرار ووده يسوي كل شيء .. كلامه يخليك تتفائل .. ان شاء الله بس هدف في المبارتين الجايات خصوصاً ضد الاتليتكو عشان يمشي وضعه مع الصحافه ونكمل هالموسم على خير ..

"

قريت تصريحه بعد المباراة ..
قال اننا الشوط الاول ما كنا كويسين ، وقدر يصحى الفريق الشوط الثاني بعد الاهداف .. وقال ان استيقاظ اللاعبين بعد هدف خيخون وردة فعلهم كانت ممتازه وشيء جميل اننا قدرنا نقلب المباراة .. وقال انه مرتاح للفوز وانه غير راضي عن الاداء والبرود من اللاعبين ..

تصريح كان ممتاز وواقعي .. واعجبني تصريحه ..
حلو ان الفريق يستمر في الفوز وما يفرط في النقاط .. وحلو انهم ما يتراخون بعد الاهداف ويستسلمون بسهوله ..

اللي يعجبني في الفريق الفتره الاخيره الروح الموجوده عند اللاعبين ، وثقافة الفوز اللي في هالوقات تكون اهم من المستوى .. خصوصاً ان المشوار ما راح يطول وما بقى الا تقريباً الا 11 مباراة .. وهي زبدة ولُب الموسم ..
وطبعاً اجمل ما في الموضوع انه تقريباً خمس مواجهات من الـ 11 راح تكون في ملعبك وهي اقوى المواجهات الباقيه لك ( اتليتكو مدريد ، برشا ، فالنسيا ، بيلباو ، اوساسونا ) كلها راح تكون في السانتياقو وهذا دافع ممتاز للاستمرار في الصداره اذا ما عرفنا ان الفريق لعب 14 مباراة في البيرنابيو كلها كانت فوز ..