افتقدوا الحبشي ...ايه هين ...
إلا والله افتقدوا بربسة الحبشي ...
لعنبوا شيطانكم فيه آدمي في هالدنيا يلعب على خطة " ناولوا الصويلح " و"شدوا حيلكم ياشباب" ...
هالخطط هذي يمكن تنفع مع سدوس ...لكن مع الهلال مافيه امل تمشي ...
الحبشي خذا فرصته كامله في بطولتين ولم يحققها , وأي خصم يستطيع ان يكشف خطط الحبشي من ثاني مباراة هذا إذا كان فيه خطة أصلاً ...
الحبشي ربي ستر عليه ان معه الصويلح والعنبر رقعوا له لين ماقال ياليلاه ....
وترى وانا اخوك ياما انصقع الحبشي في وديــّـات , وترى الحكم والفيصل هو المباريات الرسمية ...
ماأقول إلا اركدوا واتركوا الرجة والرباشة والشكشة
, ترى الفريق اللي فيه كافيه مهوب ناقص جمهور مطافيق ....
أخيراً شـرشـبـيـل يـقـول اتـركـوا عـنـكم الخراط والهرج الفـاضي والمـواضـيـع الـماصـلة وخـلـوكم يـد وحده مع فريقكم <----هالجملة الاخيره متعوب عليها من جد
