إقتباس الرسالة الأصلية كتبت بواسطة Valdano طيب الرود حط له كورة في القائم ضد روما في دور الـ 16 من التشامبينز , هل نقول إنه برحة ؟

العالم كلها تضيع أوك مانختلف على هالشيء وحبيبنا الرود تاريخه يشفع له يضيع إنفرادات موب إنفراده وحده!!

لكن حنا نتكلم عن لاعب بإختصار ( فتيت مباريات صغيرة إلى متوسطة ) لكن وقت الجد والمباريات الكبيرة تشوف قدامك دلخ كأنه أول مره يطق كورة!!

إقتباس وشلون ما فيه شيء يشفع له موب هو هداف الفريق الموسم الماضي يوم كان الريآل يتصقع من كل الانديه رايح جاي وهو عمره 21 سنه بس ؟ موب هو هداف الفريق الحين وحنآ شارين رونالدو بـ 95 مليون وكاكا بـ 65 مليون ؟

أرجع وأكرر هو فتيت فرق صغيرة إلى متوسطة فقط هو قدام بلد الوليد يصير مهاجم فذ و قبلها بأسبوع بغى يوديك في داهية قدام إشبيلية ووداك في ستين داهيه قدام ليون

كاكا وكريس مراكزهم ( وسط - صانع لعب - جناح ) ( معلومة جديدة عليك؟ ) ماهم مهاجمين عشان تطالبهم يصيرون هدافين لو أنك قارنته مع بنزيما نفس المركز ( هجوم ) كان صلحت المقارنة لكن تقارن هجوم بلاعبين وسط فالمقارنة خاطئة!

مع ذلك رونالدو هداف الفريق في دوري الأبطال 7 أهداف وهجوايين مسجل هدفين متساوي مع رؤوال
كريستيانو مجموع أهدافه مع الفريق في الدوري ودوري الأبطال ( 22 ) هدف
هجوايين مجموع أهدافه مع الفريق في الدوري ودوري الأبطال ( 21 ) هدف
هداف الفريق كريستيانو

إقتباس ايه نسيت هيجواين سجل على المانيا من نص الملعب والمرمى فاضي وسدح بحارسهم وراك ما مدحته ولا قلت شيء ولا يوم ضاعت الفرصه جيت تسفل واضح أنك تدور الزله

طيب وش دراك أني مامدحته ؟
بالعكس أعجبني الهدف وزي ماقلت أنت إنفرادة من الطبيعي يسجلها اللاعب والغير طبيعي أنه يضيعها
صدقني لو أنها مباراة رسمية بيضيعها والوعد كأس العالم

إقتباس ابعطيك احصائيه بسيطه بين هيجواين وفيا عشان تقتنع بس

انت تقول وش ذنب هجوايين أن هجوم فالنسيا ضعيف وأنا اقول وش ذنب فيا إذا هجوايين لعب أقل منه دقائق !
عموما أنت تجاهلت سؤالي ليه الإدارة أجلت التوقيع معه ؟ وليه الصحافه والجمهور مولعين على هجوايين ؟


طيب بعد النقاش هذا أنا أستنتجت شيء <
حتى الآن مازلت مقتنع ومصر على أن هجوايين لاعب مباريات صغيرة ما لم يتغير الوضع في المستقبل ويصير لاعب مباريات كبيرة ويسجل فيها أم غير هذا الوضع ماراح يخش مخي أبداً أبداً



على فكرة ترى أنا أكتب وأناقش بأعصاب باردة لا أحد يتوقع أن الردود مشحونة بالعكس نبقى في الأخير أخوان ويجمعنا ناديين هلال ومدريد

والإختلاف في الرأي لا يفسد الود قضية