أمس قابلت الغنام وهذا ماقله لي بكل امانه؟!
[c]
كنت في زيارة ليلة البارحة للعاصمة الحبيبة الرياض
و أول ما وصلت الرياض مريت على واحد من الزملاء وهو شبابي حتى النخاع
المهم رحت لبيتهم ويوم دخلت المجلس وأثر فيه واحد لابس ثوب وشماغ ((كاشخ))
أنا أول شي ما عرفته بس يوم قال لي زميلي أنه الغنام لاعب الشباب قلت ((أها))
الحقيقة الرجال محترم لأبعد حد وخلوق جداً جداً سولف لنا عن النادي ((الشباب)) واللي يصير فيه
المهم انا قطعت سالفتهم ودشيت في أم الموضوع وسألته عن حقيقة عرض الهلال له .
أنا: صدق فيه عرض من الهلال لك 13 مليون؟!
الغنام: ضحك كثير وقال 13مليون قويه الصراحة.
أنا: طيب في عرض ولا لا؟!
الغنام: والله على حسب علمي (((((لا))))), بس ممكن يكون فيه أحد من الهلال كلم إدارة الشباب, بس أنا ما عندي خبر.
أنا: معقولة الهلاليين يقولون أنك بتلعب مع الهلال في الصداقة؟!
الغنام: بـ13 مليون ألعب معهم لو يبون بكرا (قالها مازحاً)
أنا: أجل لو جاك عرض من الهلال توافق؟!
الغنام: سكت شوي وبعدين قال ((ليش لا)) 
أنا: مافيه عروض من أنديه ثانية؟!
الغنام: على حسب علمي لا
أنا: طيب أنت مرتاح في الشباب؟!
الغنام: الحمد لله.
أنا: يعني أنت ماتفكر في الأنتقال من الشباب؟!
الغنام: والله هذي أشياء بدري عليها شوي
أنا: طيب صدق انك تدربت في الهلال؟!
الغنام: أيه تدربت في الهلال
أنا: ليه ما كملت مع الهلال ورحت للشباب ؟!
الغنام: والله ياخي النادي بعيد وكنت صغير وحنا ساكنين بشمال الرياض وغير كذا كنت أحس اني مارح اضمن أساسي في الهلال كان عندهم خميس العويران و فيصل أبوثنين وكل يوم وهم موقعين مع لاعب جديد 
أنا: يعني المصيبيح ماله أي دخل؟!
الغنام: لا أبداً أصلاً المصيبيح أكثر واحد تضايق يوم تركت النادي.
أنا: طيب ممكن أعرف ليه أخترت الشباب بالذات؟!
الغنام: أقرب نادي لبيتنا وغير كذا كنت أحسه أفضل نادي في الرياض بعد الهلال!!!
أنا: يعني أنت هلالي؟! 
الغنام: كنت هلالي والحين أنا ألعب بالشباب
أنا: يعني انت شبابي الحين؟! :sad:
الغنام: شي طبيعي.
هذا بعض ماجرى بيني وبين لاعب الشباب الغنام طبعاً الحوار اللي صار بيني وبينه طويل جداً ولكن كان هناك أشياء شخصية كثيرة لا أعتقد انها تفيدكم في شيء خصوصاً مايخص بعد النادي عن بيتهم.
الغنام شخصية رائعة بكل ماتحمل هالكلمة من معنى وعندما قابلته عرفت ليه الشبابيين عطوه الكابتنية وخلوه يستلم الكأس في النهائي.
..::تحياتي::..
[/c]
اخر تعديل كان بواسطة » نــ11ــواف في يوم » 03/08/2004 عند الساعة » 09:25 PM | 