السلام عليكم ورحمة الله وبركاته
كيفكم شباب ان شاء الله بخير
هارد لك التعادل والحمد لله خسارة باليرمو ريحتنا كثير وكالعادة ما شفت المباراة وهي حاجة نفسية اكثر من كونها عمل ومافيه وقت اتفرج هذا ماخذه كعذر علشان ابتعد عن اليوفي شوي يعني الي سواه المصري موب شوي حطمنا كثير نعم زاك اعاد لنا بعض الامل لكن لما رجعت اتابع اليوفي جيت بوقت موب بصالحي وهو مباراة باليرمو مع اني ما تفرجت المباراة كاملة بس لما تشغل التلفزون وتلقاء توه جاي الهدف على فريقك وانت لك زمان ما تابعته و الفريق قبل هالمباراة كان ماشي مضبوط ثم يخسر بالمباراة هذي اكيد راح تتحطم وتحس انك نحس على الفريق ذاك اليوم عشان كذا انا ساحب على المباريات الماضية والظاهر بيستمر السحب الى نهاية الموسم لكن اكيد مالنا عنا عنكم وان شاء الله راح استمر معكم لكن اتكلم عن مشاهدة المباريات
--------------------
مدري انتم تلاحظون معي هالشي ولا يوفي زاك قادر على التسجيل بس لازم بكل مباراة يسجل علينا بمعنى قوي هجوميا لك عليه دفاعيا لكن يوفي المصري غير مفيد هجوميا ودفاعيا يعني الان الفريق تطور هجوميا لكن مازال يعاني دفاعيا واتمنى زاك يركز على النقطة هذي ويحاول يشوف له حل واصابة كيليني زادت الطين بله غير كذا من الحارس امس على كلامكم ان الشيبه ولا جراجيرا تحول الى قلب دفاع فاتوقع ما فيه شيء غريب بالنتيجة لما يكون هلاعبين موجودين التشكيلة اصلا تنغبن لما تشوفهم بفريق كبير زي اليوفي لكن وش نسوي مالنا الا الصبر والله المستعان
--------------------
الله يعطيكم العافية جيمعا وشكرا للجميع ماقصرتوا
تحيتي لكم
اخوكم ومحبكم (يوفي)
فيصل
