14/03/2010, 01:31 PM
|
 | زعيــم متواصــل | | تاريخ التسجيل: 15/01/2008
مشاركات: 58
| |
 | إقتباس |  | | | | | | | | | |
انا ما اطالب بشنق هيجواين .. ولا ابي السيتي ياخذونه
ابيه يعرف ويحس .. انه سبب الخروج المر .. وابي الاداره تجدد معه | |  | |  | | كارلوس حبيب قلبي .. وش الفائده اللى بناخذها من هيغواين لا حسسناه انه سبب الخروج المُر ؟!
مثل ماهو السؤال اللى المفروض ينطرح للجميع
وش الفائده من سب الفريق وتحميل كاكا أو بلغريني المسؤوليه على اللى صار ؟!
تحميل هيغواين المسؤوليه عشان فرصة ضيعها .. او كورة فضّل انها يشوتها بدل ما يمرر لرونالدو
هيغواين ماهو قرانديزر .. قوي ويكون بالموعد دائماً ..
يوم نناظر تصرف هيغواين بالكورتين اعتبر اللى سواه شيء مثالي منه كمهاجم ..
عمل اللى عليه وقدر يتجاوز الحارس وزادت فرص تسجيله للهدف فوق 70% ..
شات الكورة ولكنها ما مشت لتحقيق نسبة النجاح الـ 70 ..
مشت مع هامش الخطأ الـ 30%
وصقعت بالعارضه .. نذبحه كجمهور عشان حظه تعبان ؟!
الهجمة اللى فضل انه يشوتها .. قراره كان لازم يتخذ في اجزاء من الثانيه ..
ممكن ما شاف رونالدو .. ممكن شافه ولكن تقديره بذيك اللحظه انه يقدر يسجلها .. فشاتها ..
خلاص .. عقب ذا نعطي الحق للصحافه تحمله المسؤوليه .. او نسبه ونقول مايستحق يكون معنا ..
او نكبر المسأله إعلامياً ونقول ان بينه وبين رونالدو مشاكل بسبب انه ما ناول له ؟
وبالأخير نقول خلاص نبي نبيعه هو وقاقو بخمسين مليون ؟
حتى لو تبي تحسسه بالخطأ وانه قتل حلمك بالتأهل هالشيء ما راح يصير ..
انت بنفس الوقت قاعد تعطيه شعور انها مهما سوى لك ومهما انقذك ومهما كان مهاجم ممتاز
بلحظه تبي تبيعه لأنه اخطأ .. بهالحال انت جالس تنزع ثقته بنفسه وبكل مره بيكون قدام المرمى
ما راح يكون جريء انه يشوتها وبيفضل انه يمررها عشان لا تشنقه الصحافه
عشان اكون واضح بكلامي عن الفريق ..
اذا قارنا مستوى الريال بنفس الدور خلال السنوات الماضيه وهالسنه بيكون الفرق لصالح هالفريق
انا شخص راضي عن مستوى الفريق سواءً بالأبطال أو بالدوري ..
وراضي عن الشغل اللى مسويه بلغريني .. وعندي ثقه وإيمان كبير فيه ..
وعندي إيمان اكثر إن ابوضاري لو استمر بنفس الشغل اللى مسويه للآن ، وكان مسؤول عن اختيار اللاعبين للموسم القادم وحافظ على اغلب السكواد الحالي للاعبين ..
هالفريق بيكون افضل فريق على مستوى اوروبا ..
وممكن يحقق انجازات وارقام كبيره بالسنوات القادمه
اقدر اكون شخص عاطفي مثل اغلب العيال هنا ..
ومن اول هزيمة او فشل للفريق احمّل المسؤوليه للمدرب او اللاعبين
لكن خلال السنوات الست الماضيه اكثر فريق غيّر جلده بالعالم هو ريال مدريد ..
اكثر فريق جرّب المدارس الكرويه كان ريال مدريد ..
فريق كان يلعب بطريقة هجومية وفشل مع عدد من المدربين ، فناظر إداريه للمدرسه الناجحه اوروبياً
وكان اسلوب مورينيو وبينيتز وآنشيلوتي الدفاعي هو الأميز والأنجع وجابو كابيلو
ونجح كابيلو انه يجيب الدوري ولاقي حرب فظيعه من الصحافه اللى بدل ما تدعم فريقها قدام البايرن مطلعه على مدربها خبر استقالته ؟!
وعقبها جاء شوستر اللى قريب من كابيلو والآن ابوضاري ..
وعشان اكون واضح .. للآن ابوضاري جالس يقدم فريق رائع جداً
فريق كل مباراه يتطور اكثر .. كل مباراه ينسجم اللاعبين اكثر ..
قدام ليون .. الفريق قدم شوط أول رائع .. شوط أول أليم ..
نفس الفريق اللى لعب لآخر لحظة قدام اشبيله
هو نفس الفريق اللى ماقدر يلعب بنفس الشراسه وبنفس الرتم العالي بالشوط الثاني قدام ليون ..
لو ان هيغواين تعامل مع الكورتين ذيك بمثاليه وصارت النتيجة 3-0 كان شفنا انواع الإحتفالات بالموضوع وانواع التمجيد ببلغريني ولازم يتجدد عقد هيغواين بسرعه .. إلخ
ابوضاري ما يتحمل تخاذل لاعبينه بالميدان .. المدرب يقوم بتغييرات ويجلس يدعي ان تغييره يجيب فائده ..
بمباراة اشبيليه دخل قوتي وفاندي وطلع كاكا ودخل راؤول
محد قال ليه طلعت كاكا .. اذكر البعض مدح هالتغيير لأنه خفف من زحمة الوسط
ونفس هالأشخاص هم اللى زعلانين الآن .. ليه .. لأن الفريق خسر ..
دور السطعشر الصحافة خلقت منه عقدة جديده .. وطالما الصحافة تركز على هالعقده
وطالما تضغط على اللاعبين على هالعقده .. ما راح تنفك هالعقده ..
ملعب الديبور وبالرغم ان مر علينا افضل لاعبين بالعالم محد قدر يفك عقدته بسبب الصحافه ..
ويوم لعبنا معهم والفريق فاقد نجومه ومحد كان متفائل سواء الصحافه او الجمهور
ولاحتى شفنا ضغط اعلامي من الصحافة كعادة كل سنه .. ومع ذلك فزنا عليهم وبنتيجة حلوة !
اللى لازم تتعلمه الصحافة المدريديه والإدارات المدريديه وحتى الجمهور المدريدي ..
إن الحكم على مدرب أو على لاعب ما يكون على مباراة واحده ..
يكون على الموسم كله ..
للآن ابوضاري اعتبره شخص ناجح .. فريق فيه ستة لاعبين جدد واسلوب كروي جديد
وحالياً يقدم مستوى ممتاز ولاعبينه ينافسون على لقب الهداف ودفاعه " جيد "
حتى لو تدهورت نتائج الفريق بالفتره القادمه المفروض الإداره تخلي ابوضاري بمكانه ..
ما ادري منهو اللى قال " جربنا كل شيء ، ليه ما نجرب نخلي المدرب سنتين ورى بعض "
اللى قال هالكلام له مني بوسه على جبهته .. كلام منطقي وعاقل ..
|
