أم متعب أحسنتي بارك الله فيكي من اليوم ادور شيء اقزر وقتي فيه على ما يحين وقت الاقلاع ,, عاد اسكتي فاتح اللاب وطاق الشمسيات وجنبي كوب كوفي مسوي الفتى اللذي مرة كويس 
أول شيء باين انوه حالتك صعبة مررررة وتعانين معاناة شديدة والدليل موضوعك اللي يذكرني بقميص شغالتنا داني من كل لون وشكل
استاد الملك فهد احمدوا ربكم يالبنات انكم ماتدخلونه والا كان علوم علوم علوم علووووم  بتحصلونها من الأمن والا من الجماهير والا من المصورين والا من وين والا من وين 
أكثر شيء فقدته هالثلاث اسابيع هي القهوة والجلسة العائلية أما تشفيط التويكس هذي حالة ثانية اذكر بفترة من الفترات طحنا فيها نتجمع قهوة وتشفيط وابوي يطالع لنا ويتنقد بس ما يفتح أفمه يخاف نسحب عليه ونروح الحوش الثاني نشفط براحتنا , مرة من المرارير قال بجرب هاللي تسونوه وقعد يشفط تويكس عاد هو بدون سنون فا جازت له الشغله عاد شبه التوكس بعد التشفيط بشيء بس عيب ينقال
فا صار عقبها اذا بنطلع للبر يوقف عند البقاله ويقول اشتروا لنا تويكس .
اللي ما جرب حركه تشفيط التويكس يجربها والا ترا بيفوت عليه نص عمره
والطريقه هيى الآتي خذ اصبع تويكس واكسرها من كل جنب وحط أحد الجوانب بالفنجال واشفط من الجنب الثاني لين يموع التويكس همن كل الاصبع وتخيل كما تريد
عن نفسي ما حب التمر مابوه الا النفاخ
ههههههههههههههههههههههههههههههههههههههههههههاي ركب أممك وخالاتك شوفي من وين السهر واعذاب اللي يذله
نرجع لسؤالك حق الاجتماع بالعادة يكون بعد صلاة العصر أو الساعه 10 ونص ايام الخميس والجمعه بس هاللحين انقرضنا حنا وصار كل واحد بديرة فا صار الاجتماع مختصر على العود والعوده و ro7_alhilal مزلب لهم تاكي 24 ساعه بالملحق << حرررشه .
أبيات أعجبتني
قلبي صحــن دش وعيـــونك عربســـات ..... والبث حي مبـــاشر من شفــــاتك
سلـكي ولاسلـــكي وعبر المســــافات ..... يسري اثيرك في فضاي وصفاتك
القلـــب مخــرج والمـشــاعـر مذيعـــات ..... والشوق مبعـــوث مراســــل لذاتك
ارســال متواصــل على خمـس فتـــرات ..... ينقل وقــايع ما يصــير بحيـــــاتك
صورتك في فكري على سبع شاشات ..... وافضــــل برامج سهرتي ذكرياتك
وارسـال حسادك قطعتــة عن الســات ..... بــدلت كيبلهم بكيبـــــل غــــــلاتك
والغيت يا ثــريـــا الغــلا الأشتـــراكات ..... ما عـــاد اشـاهد غير ما بث ساتك
لـــو شــوشت ع البــث كل المحطــــات ..... يلقـــط رسيفر خـــاطري ذبذبـاتك
جـــرب على ريمـوت الأحسـاس ضغطات ..... تلقـــــاه ما يختـــــار الا قـــناتك
بعدين تعالي وش ديرتي وماديرتي وصلعاء وش حلاتنا وش زيننا هذا وحنا مارحنا لا لمراكز صحية للجسم ولا سوينا بودي كير وموني كير وصلعان وشهبان وانتم ميتات علينا اجل لو سوينا كذا وش بتسووون ؟؟
فليتها صح !! بس عاد من قال لك تفتحين موضوع خمبدزه ؟ هذي الخمبدزه وما تسوي
ياللاه عاد ماقصرتي قزرتي الوقت علي وقايل لك من زمان لا عاد تلمسين ايقونة موضوع جديد آخر مرة اسمح لك يا ابراهيم الفريان حق المجلس العام
اخر تعديل كان بواسطة » عقـل الهلال في يوم » 13/03/2010 عند الساعة » 06:32 PM | 