في البدايه .. يمكن يكون كلامي كله مو في وقته بس !!
ياليت نكبر عقوولنا شوي !!

ممكن اعرف فيرقسون من اول سنه له مع مانشستر وش سوا !!
ممكن اعرف فينغر في اول سنه له مع ارسنال وش سوا !!

للأسف اغلبنا نطاالب فيهم وهم في اول سنينهم ماكانو شي !!
كل واحد منهم اخذ له اكثر من 15 سنه مع فريقه !!
ومع ذلك فينغر ما حقق الابطال .. فيرقسون من حقق الثلاثيه سنه 99
جلس تقريبا 9 سنين ما حقق الابطال !!
لكن شووف حب جماهير مانشستر لـ فيرقي
تكلم عن مدربين العالم كلهم الا هو !! وقبلها فيرقسون كان في الدوري
الأستكلندي وحتى يوم درب المانيو ما حقق كل شي من البدايه
ومع ذلك فيرقسون يغلط بعض الأخطاء الساامجه وتحس انه يستهبل !!
اخرها و اكبرها كانت في اقوا مباره الموسم الماضي نهائي الابطال
مانشستر خسر بسبب فيرقسون وبشهاده الجميع ..

{انا اتكلم عن مدربين المتعه مو مدربينا التكتيكـ المضمون مثل
بينيتز و كابلو ومورينيو}
وهذي الفئه ماتمشي ابد في مدريد لو يصير اللي يصير الريال يدافع !!
مستحيل !! في موسم شوستر كنا نخسر كثير قبل ما يقيلونه
لكن الجمهور ما رفع المناديل البيضاء ليه لأنه يشوف كوره ممتعه
في مدريد مطالبين بـ متعه .. عكس موسم كابلو اللي من يغلط تشوف
المناديل البيضا مغطيه البرنابيو

اللي ابي اوصله .. الأستقرار يالشباب .. وبوضاري الجماهير في مدريد
تحبه ويستاهل بصراحه مهما يغلط لكن ترا لسى فريقه يحتااج وقت
في نقطه كتب عنها احد الأعضاء وشدتني .. ان بوضاري ياخذ
حريته في الميركاتو بـ اختيار اللاعبين بـ اسمائهم مو بـ الخانه اللي يحتاجه
لو تلاحظون بوضاري كان اكثر لاعب يتمناه يجي هو الونسوا
وشوفو اكثر لاعب مااشي صح مع طريقه مانو هو الونسوا

لأن بعض المدربين يشوف نظره ثانيه لـ اللاعب مثال قرانيرو
مانو طاالبه بـ الأسم وجابوهـ عشانه لو تلاحظون طريقه لعب
قرانيرو ما تفهمها داايم .. مانو يلعبه على مزااجه لأنه شاايف
فيه شي .. للي ينتقدون مانو انه لعب قرانيرو اساسي بالله تستهبلون !!
شفتو كيف بوضاري اكل ليون في الشوط الأول وتقولون انه ما بدا المباره
بـ التشكيله المثاليه !! معليش بس في الشوط الأول مافي احد يتكلم عن الريال

موضوع مانو من ناحيتي هو الأفضل على الساحه .. وبيريز كان موفق في اختياره

...

!! هقواين !!

انا ما اغفر له اللي سواهـ ابد .. لكن تتوقعون انه كان متعمد يضيعها
انا ما انكر انه اناااني ابد .. لكن اللي اكبر منه ضيعو منها اكثر واكثر
ومعليش في هذي يمكن تنتقدوني فيها .. لكن وربي الحظ عااااااااااثر !!

30 .. 31
هـ الرقمين هقواين كان سبب في صنعهم



مانسيت يوم الروود رفع بلووزه هقواين !!



مانسيت يوم دخل في الشوط الثاني !!

كل هذا صار هو صغير .. وربي الريال يصنع نجم المستقبل
يكفيني انه يعشق الشعااار اللي لابسه بعد المباره هقواين وينه !!



مع انه بذل و أجتهاد وحااول يسجل لكن الحظ ما كان معاه انا
يمكن التوتر كان ذاابحه وانا ما الومه توه عمره 22
اللي اخبر منه ضيعو اغرب منها بكثير

لكن بسألكم .. بالله في مباره ليون حسيتو ان عندنا محور دفاعي !!
قوتي المزاجي اللي داايم نسب فيه هو اللي راجع يدافع ويقطع الهجمات



شراحيلي راس التمره هو اللي خذل بللغريني !!
متى قطع هجمه من هجمات ليون !! متى سااند دفاعنا !!
متى سوا شي في الهجوم !! وفي اخر انفرادين لـ ليون
شفناه كيف يتمشى كأنه يقول سجلو قول مالي خلق اركض
وربي انه صاير يتمشى في الملعب !! وبعد المباره وش سوا
راح دخل ولا افتكر بـ شي !! وهو حتى ما بذل مجهود ولا حاول

..

اما هقواين .. شفناه كيف يركض ويبذل مجهود .. شفتوه كيف سبق للوريس
وكسر التسلل .. وللمعلوميه للوريس من اسرع الحراس .. ومن افضلهم
في الأنفرادات !! ويلقبوونه بـ قااتل المهاجمين لـ افضليته في الأنفرادات !!

قونزالو هقواين .. حاول وتحركـ و سوا اللي يقدر عليه عشان يفرحكم !!
وللأسف الحظ ما كان معآآهـ .. انا ما اقاارنه بـ اللي يتمنونهم الشباب
رووني وفيا .. هم غيير وماوصلو للي هم في الا بـ مسانده الجماهير !!

اللي ابي اوصله .. هـ الطعس اللي تقولون عنه كذا جاب الـ 30 & 31
هـ الطعس فرحنا كثير وبإذن الله راح يفرحنا اكثر و اكثر


وربي للحين ما انسى صرااخي يوم سجل هدف على اسبانيول في موسم كابلو
كنت فاااقد الأمل بـ الدوري خلاص !! بأذن الله راح يعيدها اكثر واكثر

..
نقطه اخيره .. ما اقول ان الريال غلط بـ بيعه فان قول .. لكن غلطنا
وما جبنا بديل له !! للأسف ما عندنا رااس حربه 100%

نلعب بـ هقواين .. وهو جا لـ الريال على انه جناح يمين مع ريفربليت
واحنا نحتاج لـ لاعب من صفات الروود وفيا
لو تلاحظون في اكثر من هجمه تشوف هقواين مو في منطقه الـ 18

ومع انه مهاجمنا الوحيد .. ياليت نجيب مهااجم صررييح في الصيف
...
قبل ما اختم بتكلم عن هـ المزيون



ما ادافع عنه لكن في نقطه بوضحها ..
الدوري الأيطالي صعب وجوه ولعبه يختلف عن اوربا كلها
لو تلاحظون قليل !! اللاعبين اللي يطلعون منه لـ دوري ثاني
وتشوفهم ينسجمون على طوول مع الدوري الجديد لأنه غير عن الكل !!
او حتى العكس .. اغلب اللاعبين اللي يروحون لـ الأيطالي ما ينسجمون بسرعه
مو زي الأنجليزي مع ان رونالدو بسم الله عليه لو يلعب في المريخ
بـ تشوفه بـ مستوى رهيب

بأذن الله راح يرجع لنا ريكاردو كاكا .. بو لوكا
...
في النهايه آسف على الأطاله .. وهاارد لكم يا حبايب قلبي
ـــ


على فكره يمكن نكون احنا اللي منحوسين ونحسنا الريال بـ حبنا له
من شجعنا الريال هو ما عدا الـ 16 و تحطون العيب في الريال !!
والعيب فيكم

حبيت اغير الجو .. بس ياليت اللي يحس انه منحوس في حياته يرفع يدهـ