سلآم ياحلوين مدري أسأل اي سؤال او لا بس اني باسأل ض1 انا السبت باذن الله بروح لمكه بمامتي العجوزه الله يطول بعمرها هي وخالتي وانا انسانن متعود اذا رحت اعتمر احرم واعتمر واطلع على طول يعني ماعرف شي ابد بمكه فياليت احد يقول لي وش افضل فندق وجنب الحرم ويطل على الكعبه ومايتعب ولايضيع يعني تنزل من الاصنصير امي وخالتي وسيدا للحرم مانيب جالس اطارد وراهم كل شوي لاني قريت بعض الفنادق فيه اكثر من اصنصير يعني تنزل من واحد وتنتقل للثاني عشان تروح للحرم وغير تسذا يقولون بعضهم مافيه مواقف او مواقف الساعه ب 15 ريال<<<<وش ذا الحتسي اسكن عندهم وياخذون فلوس على المواقف بعد!!! يعني السياره بتاخذ فلوس اكثر من سكنا انا وامي وخالتي!!!! بعدين ياليت غرفه وصاله واذا مافيه غرفه بس<<<<يدري مهوب شايف امه وخالته كله بالحرم طبعا بعد مكه بروح لجده وبعدين للطايف<<<<مايعرف وين يوديهم فيها ماعرف فيهم شي بس باجلس اهجول فيهم لين اعرف وين ربي حطني فيه لكن بمكه مابي ادور فيهم وانا بالاحرام  ***تساؤل صغيرون.. عندهم قنوات كوره بالفندق بمكه..؟ ابي اشوف مباراة الهلال الاحد
اخر تعديل كان بواسطة » ولد السهول في يوم » 11/03/2010 عند الساعة » 11:56 PM | 