هلا والله بالزعمآء
الف مبروك الفوز عقبآل البطولة

إقتباس ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟

التنظيم الدفآعي كآن سيء جدا خآصة من جهة الزوري .. ولو كآن فيه رأس حربة صآحي في الفريق الإيرآني رحنآ شربة .. لكن الله ستر .. اللي صآر واللي مستغرب منه .. اني شفت رآدوي على الجنآح الأيمن في أكثر من كورة وهذا معنآته انه جآرد في خآلد عزيز ومخليه يعلب لحاله في المحور ممآ سبب ربكة لأبو عزيزوصار يتلخبط اروح يمين وأفزع للكوري ولآ اسحب عليه وافزع لولد ديرتنآ
رآودي فعلا كآن غريب اليوم على غير عآدته
لأنه العآدة لمآ الهلآل يلعب بمحورين .. لما يتقدم احد الأظهرة على الأطرآف .. أحد المحآور يغطي مكانه دفاعيا في حال الهجمة المرتدة للفريق المنافس .. لكن هالشيء ما شفناه اليوم لما تقدم الزوري في كم كورة .. انجرد المرشدي لحآله مآ غير اسآمه فزع له
وأسآمه بغلطته اللي في نهاية المبآرآة ضيع تعبه كله .. لأن غلطة الشآطر بعشرة !
بالنسبة للهجمآت المرتدة .. في الفترة الأخيرة صآر الهلآل من أخطر الأندية في الهجمآت المرتدة اعتمآدا على سرعة ويلي أو حطآت نيفيز والشلهوب لكن ينقصهم الخطوة الأخيرة .. اللي إنهآء الهجمة السليم اللي هو الهدف أو القول
التغييرآت كآنت منطقية للغآية .. الفريدي أحسن ما فيه اليوم تقفيطات الدفاع الايرآني والله يا هم تجننو منه كل ما لعبوا مرمى ولا تسلل الا هو ناشب لهم ماخذ الكورة ومروح لكن برضة في هذي الناحية كان ناقص انهائ الهجمة
نزول العآبد كآن جدا ممتآز لأن الجهة اليسآر كآنت جدا ميتة بإسثتنآء كم محآولة من الفريدي والزوري .. لكن بنزول العابد تحول ويلي الى جناح أيسر تقليدي ولعب العابد في منطقة اليمين مع انه مو متعود عليها .. ولآني عآرف وش تفكير المدرب من هالنآحية ؟؟ يمكن يجرب ؟؟ بمآ إنه ضآمن المبآرآة ؟؟ يمكن يبغاه يكسب خبرة في أكثر من مركز ؟؟ مدري



لكن انا الشيء اللي قآهرني نزول المحيآني
من بدآية الموسم والمدرب يسحب لاعب وسط وينزل المحياني مكآنه
يآ جماعة المحيآني لآعب صندوق .. يطلع برا الصندوق يتوه .. ما يدري وش يسوي
انا اشوف بما إن يآسر في اغلب الأحيآن يسوقها ويستهبل
ورا مآ ينثبر ع الدكة .. وأعطوا عيسى نص المبآريآت اللي صبرنآ فيها على يآسر .. وشوفوا الفرق .. تضرب عصفورين بحجر .. عيسى راح يحاول يثبت نفسه في مركز رأس الحربة التقليدي .. ويآسر راح يحس بالخطر ويرجع يراجع حساباته من أول وجديد
معليش يآسر لاعب كبير و ع العين والرآس .. لكن مو على حساب الفريق .. كلنا عارفين الظروف اللي مر فيها ياسر ومقدرينها ولو مرت على أحد غيره يمكن ما يكمل مسيرته الكروية .. لكن برضوا مو على حساب الفريق .. الإحترآف يعني بيزنس .. والبيزنيس مافيه مجآملات .. تعطيني أدفع لك .. مآ تخدمني .. مع السلامة

إقتباس ماهي أبرز السلبيات والإيجابيات التي دونتها على أداء الفريق خلال المباراة ..؟

مقارنة ببقية مباريات الموسم .. من اسوء مباريات الموسم هذي المباراة
لأن الخصم ضعيف ما حسينا بالأخطآء الفآدحة اللي صآرت بالفريق
حاس بثقة زآيدة في بعض اللآعبين .. ولا من متى المرشدي وأسآمة يسحبون بلاعبين وثلاثة خير يبو .. مسوي راس حربة
مدري هي ثقة زآيدة ولا استهتار بالخصم .. في كلا الحآلآت هي خطأ ويبيلها التفآته من المدرب وقرصة إذن عشان لا تتكرر !
من ايجابيات الفريق .. ولو تلاحظون معاي في مباريات كثيرة .. الهلال يفتتح التسجيل في وقت مبكر من البماراة .. إتبآع تكتيك مفآجئة الخصم .. من أقوى الخطط والتكتيكات في كرة القدم .. كآبيلو وفيرقسون دآيما يطبقونه .. مع انها دايم تفشل مع فيرقسون
الا هالشايب ذا متى بيموت ؟ خلآص يا جماعة كم عمره؟ 70 ؟ الظاهر انه بيموت في الأولد ترآفورد
المهم ان ليون الفرنسي أقوى فريق في العآلم
ومدرب الريآل افشل مدرب في العآلم .. إلآ أحد يطلع كآكآ ويدخل رآؤول وإنت متأخر بالنتيجة مهبول وربي موب صآحي
طيب طلع لآنس ودخل رآؤول .. وخل كآكآ أقل شيء عشان يوصل كور لهالشآيب المكربن

إقتباس ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟

الدعيع أتوقع آخر موسم لك
يآسر .. تكفى رآجع حسآبآتك .. نبي ياسر آسيآ 2007 .. تراك تلعب في نآدي القرن موب أي نآدي .. مآ يحتآج أذكرك يأ بو عزوز فديت خشتك

بقية اللآعبين مستوآيتهم ثآبتة .. بإسثنآء بعض الهفوآت .. مشوهآ عآد

إقتباس ماهي رؤيتك الخاصه عن المباراة (( مساحة حره للعضو ))

أفآآآآآآآآآآآآ

وش رؤية ومآ رؤية

وبعد مسآحة حرة

مآ إتفقنآ على هالكلآم


يآ حيف والله



مآ توقعتهآ منكم


يآ شبكة الزعيم


يآ أحلى شبكة


مآ عندي سآلفة بس خلصت السوآلف ومآ حسبت حسآب الرؤية


يعطيكم العآفية .. خآصة الفآضين اللي قروا ردي .. بالله مآ ني أحسن من الشنيف > أقول بيتكم وينه