عاشق بدون حبيب<<اجل مو عاشق<<امزح
وعليكم السلام

حياك الله اخوي وبياك

فعلا واجهت ناس كذا في الاعياد والاعراس قدامنا بس يشتغل بوس الايادي ..

وفي بيوتهم عاقين بامهاتهم عقوق لايعلم فيه الا الله

الله يرزقنا برهم يارب..


وعقبال مايبرونك عيالك يارب..
شكرا لتواجدك العطر..

نسيت اصرف عكسي قصدي ابرر عكسي للارقام
شف وانا اختك انا لما عكست الارقام كنت ابختبر مدى تركيزك وانتباهك في الموضوع لاني وانا اختك تخصصي صعوبات تعلم
وفي صعوبات تعلم ندرس عن الاختبارات النمائيه.اللي هي نقيس فيها التركيز والانتباه <عاش مصرف
<<شكلك بتكره اللحظه اللي ركزت فيها على عكسي للارقام

شكرا مره ثانيه لتواجدك..

إقتباس موضوعك جداً مهم كنت أود الكتابة في هذا الموضوع عسى ربي يوفقك ويسعد أيامك ..عندما كنا صغار لم نكن نقبل لم تعودنا الوالدة الله يجعلها في الفردوس الأعلى ووالدي وجميع المسلمين آمين وبعد ما صار لي أولاد عودتهم على التقبيل منهم الله يحفظهم ينسى وأذكره ومنهم من يزيد تقبيل اليد والله لها أثر كبير في النفس ... (عاد أنا يوم شاب ودوه الكتاب ) وبعد ما حسيت بأثرها صرت أقبل رأس والداي وكذلك عودت أولادي على ذلك وكنت أرى فرحة أمي بذلك الله يرحمها والله تندمت على الأيام التي فاتت ولم أقبلها . سارعي ياغاليتي وقبلي الرأس واليد والله أنتي ستشعرين بسعادة غامرة غير السعادة التي سترينها على محياهما الله يحفظهما لك ..وعندما ربي يرزقك أطفال علميهم من صغرهم أن يقبلوا الرأس واليد ... للمعلومية : أولاد الذوات يقبلون رؤس الضيوف مهما كان قربهم أو بعدهم ... أحياناً أشعر بالحرج من طريقتهم لأني تعودتها من أولادي فقط .. ونصيحة مني لك ولجميع الشباب والفتيات وعن تجربة عندما تكون الوالدة أو الوالد على الكنبه (الكرسي) إجلسي تحت القدم وحاولي تهمزين الرجلين عرفتي معنى تهمزين ...يعني تعملي لها مساج وأنتي تدعي لها بالصحة والعافية وطولة العمر وترجين من الله سبحانه وتعالى أن يقدرك على رد معروفهما .... والله لها أثر كبير عليهما وحتى عليك وحتى أمورك تتسهل وتتيسر .. تقبلي شكري وتقديري على أنك فتحتي هذا الموضوع ربي يحفظك ومن قال آمين .

((الضحى))

حياك الله اختي وبياكي
الله يعلم أسعدني تواجدك العطر في صفحتي
كثير من معارفي نفس حالتك اختي لما يتزوجون يكون هالامر رسمي

والتمست هالشي عند زوجة اخوي
وهي بنت عمي كانوا اول حتى في الاعياد
مايعيدون الا على ابوهم ولما كنت اسئلهم ليه ماتعيدون على امكم..
يبررون انهم ماتعودوا..
لكن لما اتزوجوا اغلبهم بشكل رسمي تقبيل راس امهم لما يشوفونها..

انا في محاولة غرس هالعاده في بيتنا باذن الله

والله يجعل اولادك بارين فيكي يارب..

دمتي في حفظ الرحمن غاليتي
والله يعلم ان تواجدك في صفحتي زادني تالقا وسعاده..

إقتباس على حسب التعووووووووووووود ... اذكر لما كنت صغير احس بأحراج لو اقلبهم لكن لما كبرت وشفت العالم وتعلمت ... صار عندي عااااااادي

عذب السجايا
مثل ماذكرت المسئله على التعود
اذكر موقف لصديقتي وهي اكثر شيء اثرت فيني كانت تقول ان ابوي لو ماقبلت راسه كل يوم يتسائل ويقول لامي فيها شيء زعلتها في شيء..

وكانت تقول ان مره خلاهم يصطفون بالترتيب من اكبر واحد لاصغر واحد
وقال لهم من باب احترام الصغير للكبير اصغركم يقبل راس الكبير
ومن باب العطف على الصغير ترجع القبله الى من الكبير الى الصغير..

فكان موقف رائع من والدها ..


اسعدني تواجدك العطر
لاحرمك الله من بر اولادك لك ان شاء الله ولامن برك لوالديك..
شكرا لتواجدك..

إقتباس يعطيك العافيه والله هي على التعود من الصغر وعلى حسب تربية لوالدين من الصغر انا عن نفسي اقبل راسهما بعد كل مده زمنيه وليس كل يوم وكل ساعة دمتي بود

((البدائع بلاد الروائع))
صدقت اخوي
لاحرمك برهما ..

ربي يسعدك على تواجدك العطر..