حسبي الله ونعم الوكيل ,,,

المشكلة وانا اخوك ماهو هنا يعني وش العيب ياحكومتنا العزيزه اذا صرفت هال3 مليارات ريال

بأنشاء جامعات متخصصه بصناعات مثلاً امثال السيارات امثال اجهزة الجوال

ماهو عيب انك تجسب فنيني يبانين وتدفع رواتب عاليه عشان يعلومنا ونتعلم ومن ثم حنىَ الي ننتج الجوالات والسيارات وننتج اجهزة الكترونيه امثال اللابتوب والساعات واي شيء بالعكس هالشيء راح يخلي المملكة مزدهره

يعني مثلاً

لو كان بالمنطقه الشرقيه 2 مبنى
المبنى الاول كجامعه او معهد علمي تدريبي والمبنى الثاني وظائف المتخرجين من المعهد او الجامعه وربي راح يكون عندنا فل بالوظايف والرواتب عاليه والوضع عال العال
ويكون تخصص المعهد او الجامعه التدرب على تصنيع السيارات عن طريق فنيين كبار ندفع لهم رواتب كبيره مثل ياباني و امريكي وألماني صحيح راح تقول ماراح يجيك وعيشته هناك افضل بالعكس ادفع له راتب يخليه يجيب زحف





ولما يكون بالمنطقه الغربيه 2 مبنى الاول معهد او جامعه و الثاني وظايف للمتخرجين ومثلاً يكون تخصصهم تصنيع الاكترونيات الحديثه

اول شيء انا كمواطن لما ادرس بهالمعهد اعرف ان مسقبلي مضمون بهالوظيفه عكس انك تدخل الجامعات العاديه

تنكرف 4 سنين واحياناً 5 ويالله تحصل الوظيفه بطراره من هذا وهذا



وانا اخوك الي يد في الماء مو مثل الي يده في النار

ويعلم الله كلامي طالع من قلبي من القهر والحسره على الفلوس الي تضيع على غيرنا وحنىَ بحاجتها

على العموم اكثر الشعب الان مهاترات بين تفحيط ويعلم الله ماحد يفحط الا من القهر الي بداخله مغبون الولد وعلى قوله الشعب السعودي

دام الوضع مزري فلها وربك يحلها

لاتضيق صدرك على شيء ممكن يتغير بالعكس وسع صدرك ترى كلها كم سنه ونفارق الحياة اهم شيء اكون مرتاح واضحك واوسع صدري