السلام عليكم ورحمة الله وبركاته

تركي الف شكر لك على النشاط وتحريك الرابطة
الله لا يحرمنا منك ياخلفهم


|| كوراني الإسم الذي يتوقع إستقدامه لليـوفي وبدون تكلفه ||

الحين بيجيكم فارس الزعيم مجلعد هههههههههههههههههههههههههههه



|| أنباء طيبة لصالح حميديتش ||

الاصابات لا جديد


|| بيتـيغـا يتحدث عن أزمـة الإصـابات ||


فسر الماء بعد الجهد بالماء !! بيتيقا بالله وش الفايدة من التصريح ؟



||اليوفي يريــد إستـعادة كـابيـلو ||

ارجع تكفى وخل قلبك يلين للنادي اللي لعبت فيه اغلب حياتك
ينقص اليوفي شخص بشخصية جنرال مثل كابيلو وليبي وشلتهم



|| مودجي يـرد سريـعا عودة كابيلو مستحيـلة ||

موجي يقول بعد ان ليبي هو اللي احتمال يرجع



|| كيليني يتحدث سنعود سريعا ||

فعلا اليوفي منهك جدا امس بالشوط الثاني وهذا كلام زكريا وكليني وصادقين فيه
بس كليني متفلت على جرجيرا يحق له والله هههههههههههههه

إقتباس الرسالة الأصلية كتبت بواسطة leeman اي والله اتفق معك مره خالع لاعب مهاري وفنان صراحه بس مشكلته اذا مر من واحد يطول الكوره شوي عنه من يوم شفته وانا اقول فنان

انا اتفق معكم واختلف بنفس الوقت
الاتفاق ان اللاعب فعلا امس هبل باليوفي
لكن اختلف انه يكون مثل صحوة الحمار او فقاعة صابون
فيه لاعبين كثار يطلع لك مباراة وحدة وتقول هذا ماردونا وبعده يختفي
اذكر قبل 3 مواسم فيه لاعب مع بارما وسط يمين برازيلي اصلع هبل باليوفي هبال غير طبيعي ماخلى احد الا وسحب فيه حتى راح للدكة ومرمطهم وصنع هدف وانتهت المباراة 2-2 مع الغاء هدف الفوز لياكونتا اخر الدقايق بدون سبب ركنية وسجلها بالراس ولا احد حوله وكانت هالمباراة الضربة القاضية لابعاد اليوفي من المنافسة
ما علينا ابرجع لمحور الحديث , هذاك البرازيلي اذكر اني رديت بالرابطة وقلت وش هذا مادرو عنه مدريد ومانشستر بامكانه يشيل فريق الحاله
ودارت الدنيا وهبط بارما ولا سوى شيء معهم تابعت كذا ملخص لبارما ما عنده ما عند جدتي

فما ادري احس ان هذا من قوم هاللاعب من شلة فزة الددسن

والله اعلم

إقتباس الرسالة الأصلية كتبت بواسطة forza_JUVE10 || تقديـم طقم الأزوري لكأس العالم || ليبي كاشـخ بالأحمـر

يعني فالنتاين داي والا وش جوه بالضبط هههههههههههه