والله مشكلة ..

طيب نحب أنديتنا ونحب دايم أنها تكون الافضل ..

لكن مصيبة اذا كل واحد يستغل منصبه وقدراته سواء ً في لجنة فيديو أو حتى كـ أي عضو أيا ً كان وكل شوي حديث عن أشياء ساذجة ما تزيد علاقتنا بـ بعض الا شحناء وتحدي و كره ومن يقفط الثاني ..

أنا أتكلم عن مواضيع الآن بدت تنتهج منهج الموضة .. حتى ممكن تصل أني أتابع مباراة غيري عشان فقط أتصيد ..

ياشباب والله كلنا نحب نناظر كورة وكلنا مانرضى على أنديتنا ونقول فيه و مافيه بس الامور صارت تاخذ منحى مقزز لـ الاسف ..

يعني اذا بينكم تحديات ولاشي كيفكم لاتحترمون بعضكم بس احترموا أن هذا مكان لـ الجميع موب محصور ولا واقف على فريقي وفريقك .. والحكم اللي يحبني ويحبك .. ! احترم الآخرين على الاقل اللي عقليته ترتقي فوق هذا حكمنا و حكمكم واتحادنا و اتحادكم !

أتكلم عن جميع المواضيع اللي سبقت موب بس الاخ العزيز كاتب الموضوع ..

يا شباب تابعوا كورة و ابتسموا ! لعنبوها جلد مدور !