| بسم الله الرحمن الرحيم
بدايتي اوصف المسلسل بأنة وقح اولا وثانيا غزو وافكار ليبرالية وعلمانية وكلها من اسباب غزو الغرب
ثانيا حسن عسيري جاية ملايين عشان هالمسلسلات اللبرالية بالله عمركم شفتوهم جابو شي عن الدين؟ وعن الأسلام وعلى الأقل ابو جا لولدة وقالة لا تفوتك الصلاة؟ بالله هذي في مجتمعنا؟ هالمسلسل هو عبارة عن قلة لبرالية في مجتمعنا وهم يحاكون قصصهم وحدهم وليس الشعب كلة والي يقول البيوت اسرار طيب وش دخل عسيري التسلاب يجي يتكلم فيهم؟ يعني يقالك يعالج؟ وش دخلني انا كشخص جالس في بيتنا ويوروني هالأشياء ومع مين؟ قدام اخواني واخواتي وأطفال صغار صدوني الي يقول عادي اهلي والأطفال يشوفون هالأشياء وهالأفكار صدقوني انة لبرالي علماني وأولهم عسيري وطقتة اصلن من مسلسل اسوار وانا ضد هالأشياء بس ام بي سي فلتها مرررة وطيب ليش مايجيب ايجابيات المجتمع السعودي؟ وياكثر ايجابياتة يعني هدفة العلاج كيف تعالج؟ ابي افهم وانت تدخل افكار نصنا مايعرفون عنها شي ناس كثيرة تأثرت بهم وصارت تفكر بأفكارهم هذولي ناس يقولون عادي الأختلاط وعادي الرجال يشوفون محارمنا زي اوروبا لازم نتطور بالله هذا تطور؟ تنسى غيرتك ودينك عشان تطور واصلن اللبراليين ماهمهم الدين همهم الأنفتاح وقلة الحيا ويبون الشعب كلة مع الوقت يكون مثلهم وللأسف في ناس تأيد هالمسلسلات وهي ماتدري تحسبة بس مشاكل مايدري انة بيأثر على أفكارة وأفكار غيره خاصة الأطفال بالله احد يجابوني على الرجل الي اتحفظ اني اسميه رجل الي بالمسلسل وجا لأختة في غرفتها ويقول لها لازم الناس تأيد الحرية ويتكلم على الحرية ويتقرب لها ويحاول يتحرش فيها ابي افهم انا؟
ونقطة اخيرة وقسم برب العباد ورب البيت والله على ما اقولة شهيد
قبل فترة جتني رسالة بالإيميل عن موقع لبرالي دخلتة وشفت بلااااااوي ومطالبات غريبة والي ارسل الإيميل بنت اختي وقالت خلنا نطالب بحجبة انا قلت بشوفة اول والله انها خافت علي رغم اني خالها بس خافت والله ماتتخيلون وش مكتوب والله اني اخاف ربي اقولها شي فظييع تعديات على الدين وعلى الصلاة وعلى الله جل جلالة وقسم بالله ان اغلب الي مكتوب شفتة بالمسلسل إلا الدين بالمسلسل ماتجرأو يسبون الدين ولكن ماجابو طاريه ابد ولا حتى المدح وتخيلو حتى شخص يتزوج وحدة ويعرف انها ليست بكر وعادي يقول حرية
بالله تخيلو في احد بيتزوج وحدة ليست بكر؟ والله اني اخجل من كلامي الحين بس والله شي بالقلب ودي اطلعه لكم وشي ماودي ينتشر للناس وفي مجتمعنا والله عندي كلام وااااااجد بس مابي اطول عليكم وآسف جداااا على الإطالة وليسامحني صاحب الموضوع  | 