26/02/2010, 10:50 AM
|
| شمعة المجلس العام | | تاريخ التسجيل: 07/02/2005 المكان: ريــ العز ــاض
مشاركات: 2,686
| |
وعليكم السلام ورحمة الله وبركاته
اهلا اخوي عزالهلال
بالنسبه لتخييرنا بالجزر اكيد ومما لاشك فيه 
اللي فيها عشر حريم نتواسع الصدر
ونجيب قهاوينا وحلياتنا ونفلها بالسوالف ..
بس تصدق نبي نرحم الرجال اللي لحاله لأن محد معبره
بس بنخليه يجيب طلباتنا وويودينا لسوق الجزيره 
اما بالنسبه للطبخات والله كثيره فيه اشياء سهله
بس انت حدّد تبي ساندوتشات ولا صياني ولا طبخات دسمه ..
مع اني اشوف ماشاء الله البنات  ماقصروا لو تبي زياده حنا حاضرين  ..
اما الفلنتاين كنا اول نسمع فيه بس مانشوفه الا بالقنوات
بعدين بدت تطلع منشورات تبين لنا معناه ..
وفي المدارس والبرامج الدينيه حملات توعويه تحذر منه
للأسف بعض شبابنا وبناتنا السذج انجرفوا وراه وصاروا يعدون
ويمدون متى يجي ويتولمون للهدايا ..
الغالبيه ان ماصار الكل يعرفون حكمها وانها اعياد بدعيه ومحرمه
من الغرب لكن كما تعود بعضنا يحب ياخذ من الغرب اي شئ سئ ..
ومخالف لدينه مع ان الغرب اول ما اخذوا منا العلم اللي سطره علمائنا
وهذا من علامات اخر الزمان كثرة الفتن وقلة التمسك بتعاليم الدين ..
كما ورد في حديث الرسول صلى الله عليه وسلم :
(يأتي على الناس زمان القابض على دينه كالقابض على الجمر ) روه الترمذي
ما اقول الا الله يهدي شبابنا وبناتنا ويحفظ لنا ديننا ويثبتنا عليه ..
موضوع منوع يعطيك العافيه اخوي عز الهلال 
وان شاء الله ترجع غانم سالم لوطنك ..
دمت بخير ..‘‘
 |
