لي رجعه ................................. !!


رجعت

إقتباس السلام عليكم

وعليكم السلام اهلن وسهلن

إقتباس والجبيل في الصلاه الفجر 3 صفوف اماا الرياض الامام وشايبين

بهذي معليش الا ان كانك كنت تصلي بمسجد محطة سعودكو فأنا معك اووما المساجد الباقيه معليش

صف واحد ويالله يكتمل

إقتباس والجبيل في الصلاوات الباقيه تلقاها على 8 او 9 او 10 صفووف اماا الرياض اذا صار 3 صفوف تعال كلمني

تعال كلمني انت ان تعدوا بالجبيل 5 صفوف الا ان تسانك كنت تصلي بمحطه سعودكو هذا شين ثاني

إقتباس والجبيل كل حي فيه ملعب مزروع ونادي رياضي جنب الملعب ومسبح اماااالرياض بعض الحارات مافي حتى ملعب ترااب على الشارع يلعبوون

ملعب مزروع !! مااخبر اني قد شفت ملعب مزروع بحوارينا الا ان كانك تقصد الثيل اللي بالمنتزهات ويحطون اقماع

فيه ويفرقون ...
وبالنسبه للانديه اخبرها خاصه للشركات وفيه ( بعض ) الانديه ممكن انك تدخل ب15 ريال

إقتباس والجبيل الشوارع كلها نخل وشجر و ورود تحس انك مو في السعوديه امااا الرياض تراب واذا حطو ورد يومين الا هي ميته

بالنسبة للشجر انا معك عاير تلقى شجرة وورده بس الزامي من دخنة وسموم وبلاوي الشركات

إقتباس والجبيل المدارس الحكوميه فيها بروجكتر واختبارات تصحيح يعني ورقه اجابه وورقة اسئله ورقة الاجابه تتدخل في الكمبيوتر وتصحح ولازم تكون الاجابات مخزنه في الكمبيوتر امااا الرياض اختبارات مدري كيف تنجحون فيها

ورقة الاجابه تدخل بالكمبيوتر <--

بهذي اسمحلي ملعوبن عليك الله يذكر الاستاذ عبد المنعم الصعيدي كان يصحح قدامنا ولا كمبيوتري ولا كمبيوترك

إقتباس والجبيل الشتاء برد والمطر شووي مو مره ينزل اماااا الرياض اتفل على وجهي اذا عرفت جوها في الشتاء يجيك يوم برد واسبوع حر

عاد هذا شي مايسيره الا رب العالمين

وبالنسبه للجو اتفل بوجهي ان كفتك ترويشتين بالصيف من الرطوبه والخياس

إقتباس ومن خلال تحليلي للرياض والجبيل انتم شوف وش الاحسن بصرااحه من دون مجامله لاني عشت في الثنتين الرياض والجبيل

ومن خلال تحليلي انا ومقارنتك بالجبيل ( الصناعيه ) والرياض

مافيه عدل ابدآ بالمقارنه لان الجبيل الصناعيه اللي ماسكتها شركة امريكية اذا ماخاب ظني

وعموما هي اللي تخطط وتسوي المشاريع والا بالله عليك ذا التخطيط تحسه تخطيط سعودي !!

اقرب مثال الجبيل البلد ( القديمه ) رح شفها كأنك تتسحب بالشميسي والا الجراديه ..

اعذرنا على الاطاله ووجهة نظرك ومقارنتك احترمها بس بما اني شفت نفسي فاضي

ومن سكان الصناعيه قلت خلني اتفلسف شوي عليك

الجبيل الصناعيه <-- تبا لتسي