السلام عليكم

انا والله شفت فرق كبير بين الرياض والجبيل من كل الناحيات

الجبيل الصناعيه كنت ساكن فيها والرياض الحين انا ساكن فيها

الفرووق الكبيره

الجبيل من يوم اني من صف اول فيه بروجكتر اماا الرياض والله ماشفت البروجكتر الا هذي السنه

والجبيل مهتمه من كل النواهي اماا الرياض مالفت انتباهي الافي شمال الرياض العليا وطقتها

والجبيل في الصلاه الفجر 3 صفوف اماا الرياض الامام وشايبين

والجبيل في الصلاوات الباقيه تلقاها على 8 او 9 او 10 صفووف اماا الرياض اذا صار 3 صفوف تعال كلمني

والجبيل كل حي فيه ملعب مزروع ونادي رياضي جنب الملعب ومسبح اماااالرياض بعض الحارات مافي حتى ملعب ترااب على الشارع يلعبوون

والجبيل الشوارع كلها نخل وشجر و ورود تحس انك مو في السعوديه امااا الرياض تراب واذا حطو ورد يومين الا هي ميته

والجبيل المدارس الحكوميه فيها بروجكتر واختبارات تصحيح يعني ورقه اجابه وورقة اسئله ورقة الاجابه تتدخل في الكمبيوتر وتصحح ولازم تكون الاجابات مخزنه في الكمبيوتر امااا الرياض اختبارات مدري كيف تنجحون فيها

والجبيل الشتاء برد والمطر شووي مو مره ينزل اماااا الرياض اتفل على وجهي اذا عرفت جوها في الشتاء يجيك يوم برد واسبوع حر

ومن خلال تحليلي للرياض والجبيل انتم شوف وش الاحسن بصرااحه من دون مجامله لاني عشت في الثنتين الرياض والجبيل