نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الباسفيك · #1 24/07/2004, 07:37 PM

[ALIGN=CENTER]وش فيكم يالهلاليين

عسى ما شر

ما تشوفون مباراة في بطولة الا وتبون تجيبون افضل اللاعبين فيها

هذا يبي اللاعب الفلاني وذاك يتمنى ويحلم والثالث يون من الحسرة

ما إختلفت معكم في شي .... من حق اي مشجع مخلص انه يتمنى أفضل اللاعبين في ناديه بس فيه حاجة إسمها منطق .
ولو تلاحظون معظم الردود تقل الواحد شايل معه عصا

وينفخ على كاتب المقال المسكين

ويهاوشه ( ليش تقترح اسم اللاعب الفلاني) ويقعد ينتقده بعبارات خارجة عن الادب أحياناً مثل ( أنت نا عندك سالفة، ولا تفهم في الكورة ، وش خلاك تكتب في المنتدى وغيرها من العبارات النابيه)
الواحد يدخل يبي يسمع ردود منطقية وحوار هادي ومهذب يتفاجأ يعني بهوشة في المنتدى

هذا وهم ((أعضاء)) في منتدى مجاني ما يدفعون فيه رسوم والتزامات
أجل وش بيصير لو هم اعضاء شرف

أرجع وأقول اتمنى على بعض الأخوة ملاحظة ذلك في الردود فخلونا نرتقي بأفكارنا ونلتزم الهدوء ونحترم الأراء فهذا منتدى الرأي والرأي الآخر

ونبتعد عن سياسة التسلط والسخرية كما لاننسى دور المراقبين والمشرفين في ذلك

فالواجب عليهم حذف أي مشاركة تحمل أساءه لأي عضو فهذا منتدى ملك لجميع محبي الزعيم .

وتقبلوا تحياتي ...[/ALIGN]