هاردلكم شباب على الهزيمه
كان واضح ان خط دفاعنا هش جــدا وكان يحتاج لأحد اللاعبين الكبار اما فيدا او الريو عشان
يوزن خط الدفاع ويعطيه اكثر ثبات لأن ايفانز مرهق جدا وبراون سيء اضف الى ذلك مستوى
نيفيل اليوم اللي كان سيء بالنسبه للاعب ماله عذر لأن ايفانز لعب مباراة الميلان واكيد مباراه
كبيره تتطلب مجهود مضاعف .
ايضا غياب الجناح الايسر اللي يقدر يصنع الفارق ،، اتكلم عن ناني وقيقز كانت الجهه اليسرى
اليوم سيئه جدا وماشفنا بارك كثير وحتى مع نزول اوبرتان ماسوا الفارق اللي كان يطمح له السير
واستغربت انه طلع فالنسيا اللي ممكن يتسبب لك بعرضيه من عرضيات المميزه بهدف تعادل على
الاقــل !
ايضا اوين نزل وماشفنا قوة تعوض الهجوم اللي ماتوفق طول المباراه وبصراحه بربا كان اكثر
حركه من اوين ،، بربا وروني يتحررون من الرقابه ويطلع يسلم ويستلم بالتعاون مع لاعبين الوسط
لكن بعد نزول اوين للأسف صار كل الجهد على روني فقط !
بشكل عام وانا ملاحظ هالنقطه ان المان يحتاج مهاجم له قيمه عاليه بجانب روني وبربا
اتكلم عن الحلول الفرديه والتحرك يمين ويسار وخلق مساحات للقادمين من الخلف
واعتقد روني وبربا جيدين في هالنقطه لكن نحتاج مهاجم يكون جاهز اذا احتجناه
وبكل صراحه ما اشوف في اوين ذاك المهاجم اللي يحل لك مشكله اذا اصبحت تبحث
عن نقطه على الاقل في مثل مباراة اليوم .
املنا الوحيد تعثر تشلسي في قادم المباريات وان شاء الله خير .
