نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - CL 16 ..مانشستر يذبح ميلان بالثلاثة .. ليون يهزم الريال بهدف .. القنرز يخسر خارج أرضه .. البايرن ينتصر بهدف الراية !! .. CL16

hilalemooot · #2 17/02/2010, 10:10 AM

.

روني و شباك الاندية الايطيالة .. قصة عشق ما تنتهي

.. بصراحة الشوط الثاني كان خرافي .. ياخي يوم تشوف ثقته بنفسه .. استلامة وتسليمه للكورة .. تحس لاعب خبرة .. الولد تطور بشكل كبير .. يعني لاعب بين مدافعين ثقال زي نيستا وتياغو وتشوف هالشخمطة .. شي خرافي خراااافي بصراحة .. شكراً للسير

الشوط الاول بعد الهدف الفريق كان في قمة السوء .. ارتباك غير مبرر .. كور مقطوعة بنص ملعبنا شكلت علينا خطورة وانعدام ثقة .. اللقطة هذي اعتقد السير معصب من لاعبين الدفاع اللي يسلّمون الكور للاعبين النص وهم في وضع ظغط .. والظاهر كان يوجههم بعدم الاحتفاظ بالكورة وتسليمها للاعب غير مراقب .

السير امس سوا تغيير خططي استغربته .. ناني يمين .. فليتش يسار .. كاريك و سكولز بالنص .. وبارك ورى روني ؟! .. تغيير استغربته ودور جديد للكوري ونسبياً نجح فيه .. بالشوط الثاني تمنيت جيجز بالمكان هذا .. كان فيه مساحات كبيرة ورى محاور ميلان وقدام خط دفاعهم وجيجز هالمكان مفصّل عليه تفصيل مع المساحات الموجودة

طرد كاريك ماله داعي .. الكرت الاول ظالم كاريك سحب رجله قبل ينبرش بس الضرس كان ذكي بالطيحة .. الكرت الثاني مايكل ما بعد الكورة بشكل مبالغ فيه علشان ياخذ كرت عليها ! .. على فكرة الحكم هذا ظلم فليتشر بكرت غبي في مباراة سسكا موسكو .. كورة بلنتي واااضح حسبها دايفينغ واعطى فليتشر كرت اصفر مضحك ! .. عموماً في غياب كاريك بنعاني كثير .. اندرسون مبزوط و هارغو ماهو فت للآن .. غيبسون ماودي نعتمد عليه .. الحل جيجز يلعب في المكان هذا .. وبارك يستمر بالجناح الايسر .. ممكن فيرغي راح يفكر بالخيار هذا في مباراة الاياب

عموماً هدف سيدورف البطل

رجع ميلان شوي لاجواء البطولة .. يبقى ميلان فريق كبير ويقدر يكسبنا بفرق هدفين .. لكن باذن الله وضعنا النفسي بيكون احسن .. واهم شي يجي 10 مارس ويكون الفريق جاهز وخالي من الاصابات بس

.. مع جمهورنا اللي يكون خرافي بمباريات الابطال بالذات .. هدف بدري ونبدا نطقطق ان شاء الله ونلقط التأهل

المجهود اللي سواه الفريق امس بدنياً بالذات بيأثر علينا قدام ايفرتون السبت .. شي اتوقعه ولا أتمناه .. برضو مباراة شخصياً اشوفها ما تقل عن مباراة امس .. نحتاج نقاطها .. على الطاري ايفرتون وش سالفتهم هم وميلان

؟ قبل العام قبل مباراة السانسيرو لعبناها معهم بالغوديسون بارك وقلبنا النتيجة من 2/0 لـ 4/2 .. وهالمرة بنلعب معهم بعد مباراة امس .. والاتحاد الانجليزي وش يحس فيه وهم يحطونها اول مباراة بالجولة

.. عاد السير قبل كم يوم ناتف الاتحاد يقول ايطاليا خلوا ميلان يلعب الجمعة علشان يستعد للمباراة كنوع من الدعم لفرقها وهالشي ما تشوفه بانجلترا

عموماً ربي ييّسر .. الفريق بفورمة عالية .. بس لا ينصاب روني اهم شي