16/02/2010, 04:02 PM
|
 | زعيــم مميــز | | تاريخ التسجيل: 04/01/2007 المكان: Gold Coast
مشاركات: 4,497
| |
 المتش صعب صحيح .. لكن ثقتي في الفريق كبيرة جداً واليوم ان شاء الله بنفوز عليهم واحساسي اننا بنخلص المتش من ملعبهم بعد رغم ان اخر زيارتين لنا له ما كانت جيدة .. خسرنا في الأوى 3-0 والثانية 2-0 .. الثانية كان معنا الدون كابيلو في موسمه الاعجـازي لكن طبعاً ما يلام .. ليون كان فريق جاهز .. مستقر على جهاز فني .. نفس اللاعبين ما تغيروا الا يمكن اثنين دخلوا على التشكيلة .. ما فيه اي لاعب طلع من عندهم وكان مؤثر في تشكيلتهم .. جونينو اللاعب الي كان قوة ليون .. مالودا و فريد و تياغو و ابيدال وكالستروم .. فريق كان الدعامة الأساسية لـ منتخب فرنسا الي صفـآ على نهائي كأس العالم 2006 .. لكن ليون الحالي ما يخوف ابداً .. عنده كم عنصر ممتـاز ليساندرو وباستوس و بينالتش .. جيدين ومفاتيح لعب مهمه .. لكن برضوا ما يوصلوا لـ ليون بطل الدوري الفرنسي 7 سنوات .. حتى هالسنة هم برا المنافسة تقريباً مع بوردو ومارسيليا .. دفاعهم سيء جداً ويلقمون أهداف واجد .. قوتهم في الهجوم بتواجد الثلاثي الي فوق مع جوميس وكلهم مقدور عليهم .. جاراي و البيول يعفطونهم بالرآحـة .. الوسط لعبت الونسو .. يقدر يتحكم فيهم زي ما يبي .. بيلقى ضغط كبير عليه صحيح لكن ما تعوق معه .. تمريره طولية تفك لك 200 متر في الملعب وتسوي آتاك خطير عليهم .. اكثر شي مخوفني طفـاقة لاس وحركته الكثيرة .. المساحات مع الصربي حقهم خطيرة .. ولو بفلسفة منه تنقطع الكورة في نص ملعبنا يلقطونها وعلى طول يلقمونا .. الله يستر بس . بيللغريني  .. هو حلال العقد .. قادر يحل هالعقدة بعد ما فك عقدة الـ 19 سنة وفي ملعب عجزوا اباطرة كرة القدم يفوزوا فيه من الزين لـ رونالدو وفيغو والبيكس وقبلهم راؤول و ريدوندو و مياتو وسوكر .. الفريق مع بيللغريني وصل درجة حلوة من الأنسجام .. صحيح ليى ما وصل لـ الشيء الي احنا نتأمله .. لكن مع الوقت وشوية مباريات بيوصله مع هالتطور الرهيب خصوصاً ان الفريق فيه 8 لاعبين جدد والمدرب من الأساس جديد .. شفنا الأنتقادات اول الموسم لـ بيللغريني وطريقة عمله لكن كلها اختفت لأن الرجل ما كان يشتغل لـ شهر قدام او شهرين .. كان يشتغل على فريق يكمل معه لـ نهاية السيزون ويحقق تطلعات الجمهور .. الشي الي أقوله .. الحمد لله ان فلورو ما سمع كلام الصحافة و اقـال بيلي من منصبه .. هذا المدرب نعمة وربي .. ولو مايجي منه الا تلحيط راؤول على الدكة يكفي . روقوا اعصابكم بس .. العقدة بتنفك بحول الله .. فريقنا قوي وبطل .. عناصر جديدة مميزة .. لاعبين كبار وسوبر ستارز .. كل هذا يكفي ان الواحد يتطمن ان الفريق بيعدي هالدور المعلون .. السنين الي راحت كنا نقول كوالتي اللاعبين الي عندنا ماهو بحجم التشامبينز ليج .. كنا صادقين والله .. لكن الآن .. مع رونالدو و كاكا و الونسو الي سبق وحققوا البطولة وكانوا العلامة الفارقة في انديتهم بنقول نفس الكلام ؟! .. مالنا عذر ابداً .. وبنفوز بحول الله وبمستوى بعد .. زين اذا ما خلصناها بعد من متش الذهاب ونرتاح أكثر لـ مباريات الليغا ونركز على الدور الجاي والفريق الي بيقابلنا .  قريتوا تصريح آولاس لـ البايس !! والله قريته وندمت اني في يوم انتقدت بنزيما .. من جد حالته تحزن .. ديرة جديدة .. بيت جديد .. لغة جديدة .. مجتمع جديد وكل هذا وهو لحاله .. وفي سن صغير .. ما الوم بنزيما على مستواه المتذبذب .. الأستقرار النفسي هو العامل الأهم لأي انسان في العالم مو بس لـ لاعب كرة قدم .. غير كذا النقد اللاذع من الصحافة الي ما ترحم والمقالات الي تفضل هيغوآين عليه .. كلها اشياء بتأثر بالسلب عليه أكيد . الشي الي اتمنـاه ان بنزيما يبدأ يجمع له كم واحد .. يشوف له قيرل فريند تملى عليه الشقة خخخخخ اهم شي ما يقعد في هالوحدة .. والله شعور الغربة و العزوبية صعب .. والوحدة اصعب .. الي مجربها بيعرف وش المعاناة الي يعيشها بنزيما الآن في مدريد هذا اذا اضفنا انه لاعب صغير في السن ويلعب في اكبر اندية العالم والضغوطات الموجودة لاعبين كبار ما قدروا يعيشوا فيها ومصيرهم كان الخروج من الباب الخلفي .. واثق من قدرات بنزيما .. و واثق انه موهبة راح تكون نمبر ون في العالم خلال السنوات الجاية .. لكن لازم يبدأ يعمل على نفسه ! |
