تاريخ أرسال الرسالة
12\2\2010
عشان نقدر نحدد إلى أي مدى وصلت الرسالة
قد ما تقدرون يا جماعة أرسلوها وخذوا أجره
السلام عليكم ورحمة الله وبركاته
تكفى اقرآها ولو ماعندك وقت تقراها ارسلها لغيرك على طول يمكن يقدر يساعدني في الموضوع تكفى ولا تعدل فيها شي
أنا اسمي سفر سلطان آخر سنة في كلية العمارة والتخطيط في جامعة الملك سعود بالرياض
بالنسبة لعيال كليتنا أو اللي يدرسوا نفس التخصص يعرفون انه في كليتنا كل ترم في تصميم ولمن تتخرج تقدم على الشركات بتصاميمك
طبعا حالتي مثل معظم الشباب نسلم
للدكاترة النسخة النهائية من المشروع عبارة عن صور ونحتفظ بالملفات الأصل معانا
الله قدر انه في يوم السبت الموافق 8 صفر إني آخذ الجمل بما حمل من هارديسك ولابتوب عشان أروح الكلية الصبح اسلم الشغل نهائي للدكتور وبعدين طلعت أسوي كم شغله خاصة في مكتب اشتغل معاه
بعدين طلعت مع اخوياي الساعة 11 بالليل حول الكلية
وطبعا من الظهر يمكن واللاب في شنطة السيارة مقفل عليه والسيارة جيب ومضللة
المهم اطلع بعد ساعة القى الزجاج الأيمن الخلفي مكسور ومشيولة الشنطة من ورا
اللي سرقها الحمد لله ماسرق الكاميرا اللي في الدرج اللي قدام
لكن المشكلة انه سرق حياتي كلها
الشنطة فيها كل شي فيها صور اهلي ومشاريع 5 سنين غير ملفات اخرى من خطابات لاتقل اهمية عن المشاريع
ماابي اطول عليكم لكن طلبي انه الرسالة ماتوقف عند احد يمكن توصل لواحد اشترى لابتوبي من الحراج يصير اشتريه منه وارجع ملفاتي بطريقتي
بتكفون ياشباب الواحد منكم يحط نفسه مكاني والله لايوريكم زي موقفي يارب
للمعلمومة هدا السيريال نمبر حق الجهاز
Serial
(S) CNF9244T23
Product
NZ342EA
NZ342EA
الجهاز
HP
اسود
والله انه المعلومات عندي تسوى الجهاز 20 مرة
وهدا رقمي
0500696229
ايميل
[email protected] [email protected]
تكفون يا أهل الخير لا توقف الرسالة يمكن توصل لا حد يعرف عنه شيء والله عمري ما سرقت احد ولا أخذت فلوس احد ولا نصبت على احد بشي ما أزكي
نفسي بس أتعامل بأمانة اللهم يا جامع الناس في يوم لا ريب فيه... اجمعني بضالتي يا ارب اقل شي ادعولي تفكووووووووووون والله ودي أموت من القهر لكن الحمد لله
التعليق
هذه الرسالة كما وردتني في الايميل وتاكدت من صاحب المشكله حيث بعثت له رسالة قبل النشر واكد لي صحة الخبر وطلب المساعده في البحث عن جهازه كما طلب من الاخوة عدم ازعاجه في السؤال عن المسروقات الا لمن لديه معلومات عنها متشكرا من الجميع تعاطفهم معه وياليت تنشروا رسالته في المنتديات لعل وعسى وجزاكم الله الف خير 