إقتباس الرسالة الأصلية كتبت بواسطة اللــ {الأزرق} ــيث وش فايدة الجلبريك

الجلبريك يخليك تضيف البرامج والألعاب ببلاش .. يعني كل البرامج اللي من غير آبل تقدر تآخذها من الجلبريك ..

وطبعا البرامج والألعاب موب الخاصية الوحيدة اللي تميز الجلبريك .. له فوائد وإضافات كثيييييرة !! غير الألعاب ..

إقتباس وهل اقدر اركب البرامج بدون جلبريك ..؟

تقدر .. بس أغلبها بفلوس ..

إقتباس لان يقولون إذا ركبته وطفا الجوال معاد يشتغل .. وأنا منيب فاضي كل شوي ازين الجلبريك مثلا مسافر ولا شي زي كذا

الآيفون ثلاث أنواع : 2g و 3g و 3gs .. !!

النوعين الأولى تقدر تركب الجلبريك واذا طفيته وشغلته ما يضر .. يشتغل طبيعي ..

لكن 3gs وهو أفضلهم .. يجي منه نوعين .. نوع بوت روم قديم ونوع بوت روم جديد .. والأخير منتشر بشكل أكبر .. ونادرا تحصل آيفون بوت روم قديم ..

المهم .. البوت روم القديم اذا ركبت عليه جلبريك وطفيته وشغلته يشتغل طبيعي ..

لكن البوت روم الجديد اذا ركبت عليه جلبريك وطفيته وشغلته لازم تشبكه في الكمبيوتر وتشغل برنامج الجلبريك من جديد .. وإلى الحين مالها حل ..

إقتباس صراحة كنت ناوي أشتريه من زمان واللي مخليني أتردد الجلبريك والخرابيط هذي ... فأبي واحد يفيدني هل البرامج المجانيه تكفي بدون الجلبريك أو انها زينه أو كثيره

اشتره وبدون تردد .. الجهاز بطل بمعنى الكلمة .. !!! وطبعا بالجلبريك يصير الجهاز أفضل .. !!

مشكلة الجلبريك يآخذ شوي من البطارية .. ولا الباقي بطل ..

اعذرني ع الشرح .. سريع سريع ..

أتمنى تكون المعلومة وصلت ..

لك ..