السلام عليكم
أولا باركوا لي لتفعيل عضويتي في هذا المنتدى الراقي والكبير بالنادي الي هو يمثله وبأعضائه الزعماء

ثانيا انا حاليا مداوم. وانا قاعد اكتب الموضوع عين على اللابتوب وعين على الساعه
احترى متى تجي 5:30 عشان اطلع للملعب

الي حبيت اوصله ياشباب اليوم الهلال في حاجتنا اكثر من اي يوم ثاني في هذا الموسم اليوم هو يوم اثبات الذات هل الهلال قادر انه يهزم النصر و يرقعه رقعة محترمه تخليهم يتأدبون والا هل النصر راح يكون عضمة في بلعوم الهلال

تخيلوا معي لا سمح الله فاز النصر. اولا راح يتغنون فيها خمس سنين. ثانيا راح يطلعونا من بطولة احنا متسيدينها في الفترة الاخيرة.

فصراحتا انا كمشجع راح اسوي الي علي والباقي على الله ثم على الفريق

فيا شباب تونا باقي وقت على المباراة الي ماعنده نيه يتعوذ من بليس ويدق على خويه ولا ولد عمه ويطمر للملعب خلوا عنكم الاتكاليه


تخيل انت في الملعب ومنتهيه المبارة خمسه صفر للهلال
ماراح تقول الحمدلله اني حضرت