يا عيال تذكرت سالفه على طاري التفاتيش
ومدام انكم ما تعرفوني شخصيا ً بقولها .. وحتى لو خطبت من اهلكم محد داري
انا رجعت الرياض في الكريسمس .. والعيال اللي اعرفهم هنا .. اغلبهم فوق الـ 21 يعني يقدرون يروحون فيقاس
.. وانا والله منب راعي كلوبات بس فيقاس هي فيقاس
الزبده رجعت ورحت محل سياحه صغير وطلعت رخصة دولية فوق الـ 21
.. المصاريه الله يكثر من امثالهم
المهم رجعت عن طريق واشنطن واصلا ً انا طالع من امريكا بدون ختم خروج يعني مبهذليني مبهذليني
.. واخوكم فالله حاط الرخصه في الشنطه ابد تفتح الشنطه وتلقاها بوجهك
.. حذروني اني ان كررت فعلتي الشنعاء وطلعت بدون ختم مره ثانيه بيقولون لي عود ديرتك واعتبر نفسك ساقط في مادتي
فتشوني لقوني نظييف لكن المكسيكي ابن الذين يبي يفتح الشنطه .. هو فتح الشنطه وانا تخوبرت وصكتني ام الركب
اخذ الرخصه وقال ممكن اشوف جوازك قلت يععععععععع بالعربي
عطيته الجواز ولقاني بزر وش حليلي
بغيت اقوله ابرجع بس تكفا لا تلبسوني برتقالي
لكن ربك سترها شققها وقالي اذا سويته مره ثانيه بنرفع عليك قضية تزوير .. قلتله والله ماعاد اسويها كله من روم ميتي سعود اللي قالي طلعها عشان تفلها بفيقاس
<< خول استهبل قالي توكل وانتبه .. والله ودعيتله ووصيت الوالده تدعيله وقلتلها ترا هذا مدرس نفعني والله بالتقويه 