هلالي وافتخر اني هلالي

وراسي فوق هام السحب عالي

هلالي والهلالي من يطوله ؟

وهو له في سماء الأمجاد صوله

هلالي والحقيقة ما تزعّل

زعيم المجد يا ما اطيب فعوله

زعيم ولايقه فيه الزعامه

ولا نادي قدر يوصل مقامه

زعيم وعذّب قلوب النوادي

شباب , أهلي , فقـر , والا اتحادي

هلال المجد ساطع في سمانا

نجوم المملكة وأعز نادي

زعيم وحطم الرقم القياسي

وجوده في المنصه شئ أساسي

تعودنا على الفرحة معك يا مصدر الأفراح .

مع نادي يفرحّنا ويسعدنا .

تعودنا على جرح الخصوم ولو تعاندنا ,

تعودنا على التتويج , تفوقنا على الباقين .

وهذا مكمن الإبداع , والإمتاع .

يا سرّ الغلا لا ذاع .

****

هلالي وافتخر إني هلالي .

هلالي عشقي الأول ,

هلالي سالفة عشق وغرام وشوق .

مَعَ طيش الطفوله عاشق ومعشوق .

كبرت وكبر حبك ياهلالي .

وعرفت إنك زعيم القرن ,

وعرفت إنـّـك لحالك ما معك ثاني .

تنفست بهواك وفاحت عطورك ,

مَعَ فوح النفل والشيح , مع بسمة شبيه الريح ,

شبيه الريح , وش باقي من الامتاع والتفريح ؟

شبيه الريح

شبيه الريح

يافوح النفل والشيح .