السلام عليكم ورحمة الله وبركاته


يرحم والديكم لاحد يجي وينبرش وبس


توي جآي من عند الصرآفه عند المرور بسدد مخالفه كانت علي

وربي كآن احد صافقني ~


جد شفت الي ماتوقعته وجلست مبرطم من وقتها ~


الى متى وهذا النظام القذر عندنا >> المضاعفه


انا جاتني مخالفه عدم وجود رخصه


احد يفيدني بكم هالمخالفه ..!


انا سآلت قالو لي ثلآث ميه ..!

وناس قالت ثلاث ميه وخمسين .!

سؤالي هل تم زياآدت الاسعار فوق كذا ..ّ


اذاا كان نعم

فعجبي لكل شيء بهذه الدنيا بزدياد حتى المخالفات

ماعدى مكافآة الطلاب وروآتب العمال ..!


وان كان لا فعجبي الاكبر


حينما ادخلت رقم بطاقتي المدنيه

لآجد مخالفه وحيده

وهي الي اخذتها .. لعدم وجود رخصه


لكن كانت قيمتها 900


!!!!!!!!!!!!!!!!!!!!!!!!!!!!


يعني يابوووووووق


ياسعر المخالفه اربع مئه وخمسين وتضاعفة وصارت تسع مئه .


شيء عجيب وربي


بلد يطبق الشريعه بكل شي


ومفتي السعوديه حكم بنظام التضاعف انه ربى

لماذا لم يتم ايقافه


ام هنالك فائده عظيمه من هذا النظام ..


رساله لمن وضع هذا النظام


اولادنا مو مثل اولادكم ترى

مخالفه وحده تخرب ميزانية لي نهاية السنه .!

لاسامحكم الله





سؤال لاخواني الزعماء ..


لماذا حينما تتآخر الحكومه او من ينوب عنها يجب علينا السكوت

وعند حدوث العكس تنضرب القيمه فينا بثنين


انا جاتني هالمخالفه الشهر الفايت


انا طالب بالجامعه

قررت اسدد المخالفه مع المكافآه


تخيلو المكافآه متى نزلت


مو 27

ولا 28

ولا29

ولا 30

ولا 1

ولا2

ولا3

ولا4

ولا5

ولا 6

ولا 7

ولا 8


نعم يوم تسعه من الشهر


يعني الحكومه عادي تتآخر شهر ونص


لامشاكل


ولاحسيب ولا رقيب


وراح تنزل المكافاه نفسها 990

لازياده ريال ولا نقص ريال


لكن لما مانسدد المخالفه والسبب الرئيسي انهم مآخرين مكافآتنا


نروح ونسدد بقيمه مضاعفه



يعني الآن مطلوب مني اسدد 900

ومكآفآتي 990


ضاقت عليكم ياحكومه وقمتو تضيقونها علينا


ياليت ضايقه وربي كان سكتنا وبلعناها


اكبر بلد مصدر للبترول


اضخم ميزانيه بالمنطقه




تحيه لكل رجل آمن يوزع بهالمخالفات الي بيده ومو هامه شي غير انه يخلص الدفتر الي بيده



حرقه بقلبي


وربي مو لاني ماعندي اسدد


لكن على الحال الي وصلنا له وقمنا نستغفل المواطن ..!


آين ملك الآنسانيه من كل هذآ


والله متآكد انه مايدري بهالنظام والبوق الي صاير ولا ماكان سكت