السلام عليكم ورحمة الله وبركاته
عطارد يامن بكلماتك لقوبناااااا تطاااااارد
كلماتك حرك مشاعرنااااااا
قبل ان تحرك اصابعناااااا للرد عليك

وقصتي
في اواخر شهر5 من العام1421 وكان كل شيء تمام
وكنا نفرح وقتها بالعطلة الصيفية وكنا نسعد بحظور مناسبات الزواج لبعض الاقارب
وكان ابن جارنا يستعد لوضع اللمسات الاخيرة في الاعداد لزواجه
ولكن الله قدر ان تتوفى عمته وطبعا يصل الخبر لهم وكان ابوة متزوج من امراه اخرى
وتسكن في الطابق العلوى وتصل بقاربه لعمته وصرخت وكان ابوي الله جالس في بيت الشعر
وابوى الله يرحمه كان معه ارتفاع للضغط طبعا سمع صوت المراه ودخل البيت وسأل الوالده وهو عليه
علامات الخوف وارتفاع دقات قلبه لان مهما يكن فهم جيراننا وامرهم يهمنا
ومن تلك هذة اللحظة بدأت صحة ابوي الله يرحمة تدهور وفي اقل من اسبوع دخل ابوي المستشفى وبعد كم يوم
تطورت الحالة مع سوء العناية من قبل الدكتورة وارتفع ضغط ابوي بشكل غير طبيعي
حتى فقد السيطرة على نفسه وطبعا تم وضعه على الفور في العناية المركزة بعد تنويمه بالابر المهئدئة
ولكن اذهلني هذا المنظر واوقف شعر رأسي ابوي يديه مربوطه بالسرير وهو نايم
يا الله الله ابوي يوضع في هذا الشكل ولك اخي ان تتخيل الحالة التى انتاااابتني
وفي نفس كان معنا عمي الله يحفظه وهو اكبر من ابوي وهو غير متزوج وساكن معنا وهو الاخ الوحيد
للابوي الله يرحمة وطبعا عمره وقتها في حدود الثمانين الله يحفظه ومن شاف المنظر وهي تجيه حاله من البكاء
بشكل لا تتصوره تخيل انسان في هذا العمر ويبكي مثل الطفل شاهدة اخوة ومن عاش معه العمر حلوة ومره
ولم يسمع منه كلمة سيئة طوال هذا العمر بل كان له الاخ المطيع المحب المخلص المقدر المحترم له
حتى انعكس علينا هذا الشعور فااا اصبح عمي ابونا الثاني وليس عمنا
بهذا المنظر وكأنه حاس انه لن يرا اخوه كثيرا
طبعا صار مع ابوي نزيف خفيف في الرأس ومع الوقت زال هذا النزيف
واخذنا ابوي الله يرحمه لغرفة خاصة واصبحت انا واخواني نتناوب في المرافقه له
وانا اكثر مرافقه له بسبب انشغال اخواني في اعمالهم
واصبحت حالة ابوي في الاستقرار واخذ الاهل والاقارب والاحباب بالتوافد لزيارتة
وكان منهم من ينصحه بالسفر للاردن للاطمئنان على صحتة اكثر ولكن
كأنه يشعر بدنوا اجله وهو يردد عليهم اذا الله بيعطينا عمر بعيشه
وما عقب هالعمر عمر
وبعد فترة تم له الخروج من المستشفى
وطلبنا من المستشفى ان يحول الوالد الى احد مستشفيات العاصمة
وطبعا هو رافض هالشيء ولكن لمعزة احد الافارب لديه وهو الدكتور موافق فواز الرويلي(جد بناتي)الله يحفظه
وهو مقيم في الرياض بسبب عمله وقتها في الجامعة قال الوالد ما دام انها يم ديرة ابوفارس ما يخالف
وفعلا تم تحويلها للمستشفى الملك خالد الجامعي
وكان موعد السفر يوم الاثنين13/6/1421
وقبل لا يسافر وانا اجهزه وانا اضع شماغه وعقاله على رأسه
وبعد ما قبلة خشمه وراسه قال لي عشت ياولدي ولم يكن بعلمي ان هذه القبله هي اخر شيء في حياته
ان يلمس جلدي جلده الطاهرة والا لكاااااااااان قبلت كل جزء من جسمه
ولم اكن اعلم ان هذة النظره هي الاخيره اللي اشوفه بين عيوووووني
والا لكااااااان اشبعت العين منه حتى تنعمي
سافر الوالد ويرافقه اخوي ابوسلمان الله يحفظه وكان في استقباله في الرياض حبيبه ومن كان يغاليه ابو فارس
دخل المستشفى وكل الامور تبشر بالخير
ولكن في يوم الجمعة حدث اضطراب في جسمه
وقبل ان تغيب شمس يوم الجمعة فاضت روحه الى باريه (انا سبحان الله في نفس الوقت هذا جتني ضيقه
حتى من قوتها شكيت للوالدة الله يحفظها واخذت ادور بالحوش)
فاضت اطهر نفس وازكى نفس وتوقف اطيب قلب واحلى انسان واسعد من رسم السعادة فينا
واحلى من تبسم وجهه
الله يرحمه ويغفرله ويسكنة فسيح جناته
الجمعة17/6/1421
وفي هذا اليوم طبعا ما كان عندنا علم بوفاة الوالد نمنا
وكان الدراسة بدايه له اسبوع
اصبحنا وديت اخواني للمدارس في يوم السبت
رجعتا للبيت الا واسمع صوت الرجال يهدون عمي
واسمع عمي يبكي بكاء يقطع الفلب
قلت يمكن احد موصل له ان ابوي راح يطول بالرياض
رحت يمه وشفته وهو حاط يده وراسه على المركى وهو يبكي وجسمه يتحرك من شدة البكاء
انا رجعت بس مااا ابي اسمع كلمة ابوك مات
الا ويلحقني جارنا قبل لا ادخل الباب ويقول لي ابوك اعطاك طولة العمر
وقع علي هالخبر كالصاعقة لا ادري ووين اروح واين اجي
درج الباب ماااااا ادري الى الحين كيف صعدته
اخوي الصغير الان هو في ثاني ثانوي
كان وقتها في ثاني ابتدائي
كان اطفال الحارة يقولون له يا حرام ابوه مات ما كان يصدق كلامه
ولكن لما رجع اخوي من الرياض يوم الاحد
كان هو نايم ومن سمع صوت اخوي فز من نومه يبي يشوف كلام الاطفال صحيح والا لا
ولكن يوم شاف اخوي وهو يبكي انكسر ونزل راسه

الله يحفظ لكم كل عزيز وغالي
والله يخلي لكم والديكم والله يمتعهم بالصحة والعافية

وياااااابوي حيااااااتي والله عقبك صارت تحصيل حاصل