السلام عليكم ورحمة الله وبركاته

ياشباب ماتلاجظون انه مافي سالفة في المنتدى الا الديربي وكيف نفوز على النصر وكيف ناخذ بالثأر ونقاط

الضعف ونقاط القوة وكأن نتيجة مباراة النصر هي اللي بتحدد مستقبل الزعيم اذا خسر ضاع تاريخه واذا فاز

فهو بطل كاس ولي العهد اذا هذا تفكير الجمهور كيف تفكير اللاعبين وكلنا شفنا اللاعبين كيف كانوا مشتتين

في مباراة الفيصلي ومشغولين بالديربي المحتمل اذا فاز الجار والمشكلة في اغلب الموضوعات مافي حل وسط

اما النتيجة تاريخية وبنرد الدين او النصر نادي خارج عن السبطرة وصعب الفوز عليه وكله نقاط قوة

ياجماعة التوازن مطلوب واذا تركنا الديربي دخلنا في تقييم جيريتس وليش يستبعد الدعيع و يلعب العتيبي

والبعض يقترح التشكيلة واللاعبين اللي يشاركون واللي يستبعدون لا وسالفة المنتدى هالايام ياسر وتصريحاته

وش يقصد وليش ينتقص من الشلهوب يعني الاعضاء يقطعون في بعض وياسر والشلهوب سمن على عسل

ولله الحمد

نتمنى نشوف تنويع في المواضيع لانه تاريخ نادينا تاريخ مشرف وانجازاته كبيرة ومر عليه اساطيراللاعبين

من النعيمة مرورا بالمصيبيح والفيلسوف الى سامي وغيرهم من النجوم اللي حققوا البطولات والالقاب للزعيم

والوقت هذا وقت تحفيز اللاعبين وتشجيعهم ووقت حث الجمهور على ملء درة الملاعب ودعم الفريق مو وقت

الانتفاد والاقتراحات على المدرب والاداراة

خاتمة / اعتذر اذا ثقلت عليكم يازعماء بس الكل يتمنى يشوف منتدى للزعيم مايكون منتدى للديربي واللاعب

الفلاني واخيرا كل التوفيق للزعيم في المباريات والبطولات الجاية وتحياتي لكم جميعا