نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

رايــــق · #1 06/02/2010, 10:15 PM

السلااااااااااااااااااااااااااااااااااام عليكم يالزعمااااااااء
يوم الاربعاء مباراة الهلال والنصر مباراه لاتحتمل التوقعات ولا التأكيدات ولا فوز فيها الا لمن كان حظه معاه ذاك اليوم لاتقولون لاعبينا ولا لاعبينهم من كان يوم حظه بعد توفيق الله يوم الاربعاء فهو الفائز
نكون نكذب على انفسنا ان قلنا ان النصر ماتغير واصبح فريق يلعب لعب كبار وهذا كله من بعد تصريح الاخ العزيز البلطان صاحب الارض ام مليار لبى قلبه

الاخ صرح تصريح يبي ينكسهم زياده واشعل فيهم روح التحدي

الهلال اكبر الكبار وعمهم حارق دمهم سارق النوم من عيونهم زعيم الزعماء لعب فن اخلاق سواء جمهور اعضاء لاعبين اداره وهذا اللي ذابحهم من جماهير ونوادي وحتى لجان ماننكر هالشيء ولكن ولاحظو لكن لعنبوها ياكرهي لها مدري منهي من خواته لارحمت نرجع للاخت لكن ولكن تتغير طرق لعب الهلال سواء من خطط مدرب او توجيهات اداره او حتى تصرف ولعب لاعبين وللان مالقيت جواب اه يالكن لارحمتي تقهريني دوم

ياكثر مواضيعكم وانا اقراها قبل لا تتفعل عضويتي ومنقهر من كلامكم
ياسر مستواه ياسر لعبه ياسر الى متى ياسر اليوم بيسوي ويفعل ياسر فيه وياسر مافيه الحين انتم ياللي تنقدون وكل واحد متكي بمجلسه ودلة الشاهي قدامه وفاتح اللاب توب وجالس ينقد ويبربر بكلام مايفقه فيه شي كلف على نفسه يسأل نفسه ويقول هالادمي متى اخذ اجازه متى توقف عن اللعب متى ارتاح لارحمتو من جاء للهلال وهو يعدي ورى هالكوره انتم على بالكم هو مكينه والله يالمكينه ترتاح وهالمسكين مايرتاح

شيء طبيعي لارحمتو ينزل مستواه شيء بسيط بس مو لدرجة انكم تسلبونه حقوقه ومجهوده وانتم والله ماتدرون وش اللي طالبه منه المدرب
من اشغل هالمدافعين من سحب فيهم من يمرر من يوجه والله ياياسر انك كبير والكبير الله ولايهمك من يقول انت بس من يقول
العب يابو عزوز ولايهمونك على كثر مافيه لك حساد ومنقهرين ترى لك اضعاف اضعافهم ناس يحبونك ويدعون لك

والله العظيم اني ادخل ممنتديات النصر لاصار خاطري ماهوب زين عشان عارف اني باضحك ووالله ان لقيت فيهم ناس مدري هم كيف يفكرون هم يفهمون والا مغير يرددون الكلام وماهم عارفين وش السالفه

بس الشهاده لله فيه ناس تقول الحق وماتقبل الكلام اللي مب زين

بس الشهاده لله يافيه ناس والله انهم جنب القده صحيح

يالربع والله ان فيه ناس جالسه تفكر بس وش يرددون عن ياسر في المباراه لارحمو هذا همهم يعني ماهمهم من يفوز بس يبون شي يرددونه ربي لاتجعلنا مثلهم

انا كنت استعجب من هالاخوان اللي كل واحد يبي مدربنا يلعب بخطته
هالحين انت يابو خطه وراك ماعرضت نفسك على ابن مساعد قبل لايجيب هالشايب الداهيه بهالفلوس وهالمبالغ انت الله يسلمك اكيد بتوقع لنا ارخص بكثير وبتوفر لنا مبالغ كبيره يالربع التدريب يتدرس ماهو تابعت دوري اوروبي قمت تحط خطط خلو هالشايب يشوف شغله وعن الكلام اللي ماله سنع

ياحبني لنفسي وانا عضويتي متفعله والله احس اني بالعب ضد النصر يوم الربوع

الاخوان اللي ماتفعلت عضويتهم راجعوني بالمكتب