السلام عليكم

بس حبيت ارحب بـ ~ابوفهد~ ومحمد MHM واقول حياكم الله وان شاءنستمر في التواصل

والرابطة مشعلله الله يديم هالوضع ان شاء الله

إقتباس الرسالة الأصلية كتبت بواسطة الملك ديل بييرو اول شي السلام عليكم ... كيفكم يا شباب؟؟ ان شا الله الجميع بخير... ثاني شي نتمنى نشوف يوفي غير مع زاكاروني.... ثالت شي والله استغرب يا جماعة الخير من الكلام اللي تلمحون فيه حول الاسطورة القلب الشجاع في اليوفي (( اليساندرو ديل بييرو ))............ مابي اقول ان ما حد منكم عنده ولاء لليوفي ... ولكنم ما زلتم تواربون وتشككون في قدرة الملك وهذا ان دل دل على ضعف ايمانكم بقائد هذا الفريق والفريق ككل لان ديل بييرو هو اليوفينتوس واليوفينتوس هو ديل بييرو .... يا ناااااااااس اذا راح هذا الشخص قولوا على الكورة السلام ... ودائماً ما تشككون فيه ويرجع ويثبت لكم انه قادر على ارجاع اليوفي لان اليوفي ماله غناة عن ديل بييرو لانه هو روح اليوفي ..ما زلتم تشككون فيه تشككون في شخص قال عنه ماردونا : انه الوجه الاخر للمتعه............................. دام مارادونا قال هالكلام اذن خروج ديل بييرو من دائرة اليوفي هو نهاية المتعة .. ياما وياما ديل بييرو اسكت مدربين كثر في الملعب كان على دكة الاحتياط ولا كان يتكلم او يتشكى لكن اذا نزل الملعب رد عليهم بهدف منقذ ... الى متى وانتو مشككين تخيل يوفي من غير ديل بييرو وش راح يبقى لليوفي .. انا بعطيكم مثال لو ان يوسف الثنيان للحين يلعب بالهلال هل راح احد يتجرأ وينتقد يوسف بكلمه ... مثل هاللاعبين وجودهم واقفين بالملعب يكفي انتو ما تعرفون هالاحساس تخيل انك انت تلعب بجنب يوسف الثنيان بالملعب تخيل هالشي بس صدقني راح تحاول انك تأدي اكثر شي عندك بالملعب عشان يقول لك يوسف الثنيان ابدعت... هذا هو ديل بييرو العيب مو في ديل بييرو العيب في اللاعبين خاملين نايمين بارض الملعب .. اذا راح ارجعك لزمن الثمانينات والتسعينات شف قوة اللاعبين بلاتيني - بونياك شيريا - تارديلي - زووف - وغيرهم .. بالتسعينات فيالي - رفانيلي - سوزا البرتغالي - مونتيرو - فيرارا - يوليانو -دي ليفيو اولوسيه النيجيري- زيدان - نيدفد - ديـــــــل بييرو - باجيو - بيروزي وغيرهم وغيرهم لاحظوا طريقة اللعب.. (( كأنهم نازلين معركه نازلين كأنهم جيش واحد قوة اداء قوة مهارة لازم يكسبون المعركه )) لكن لو تشوف اللاعبين الان اللي يفكر بقصة الشعر مثل اماوري ولا يلعب يحتري الراتب مثل قريقيرا ولا لاعب ضعيف بنيه مثل جيوفينكو لا يهش ولا ينش ولا لاعب متذمر مثل كامورانيزي ولا لاعب وسط همه يسجل هدف مثل دييجو ما يبي يصنع يبي يسجل انت مهمتك يا دييجو تصنع هذي اولويتك انت لاعب وسط بعدين فكر بالتسجيل .... بذمتكم وشلون تبون فريق يفوووز وهو بهالتفسيات وهالحالات البدنية الهزيلة؟؟؟؟ وفي الاخير تقولون ديل بييرو ما عاد يصلح الحين اربع مباريات هو اللي قاعد يسجل اصابة جلست معه اربعين يوم وعمره 34 سنه ويسجل اوزن المسأله ناهيك اذا انكم تذكرون اصابته اللعينه عام 1998 كادت تودي بحياته الرياضية كاملة ترى ما زالت اثارها الى يومك هذا ولا وش تفسر عدم احتكاك ديل بييرو باي لاعب خشن وش تفسر اصابته في العضلات اللي ترجع له بين فترة واخرى وما زال يسجل وما زال يحرج كل شخص يتكلم فيه و ينتقده ... ابذكركم بلاعب يمكن الجميع نساه اللاعب الكاميروني روجيه ميــلا لعب بكاس العالم عام 94 م بامريكا وعمره 41 سنه وسجل هدف للكاميرون وقتها .. مثل هالنوعية من اللاعبين ومنهم ديل بييرو حتى لو تقدم به العمر راح يفاجئك بأشياء انت يا المتابع ما تتوقعها ... ديل بييرو يا شباب هو روح الفريق دام معه رجلين تحمله على ارض الملعب خلاص وقفوا انتقادات على ديل بييرو هذا شي لا يمس خط احمر ..... مثل التحفة الثمينه مثل كنوز الفراعنه لا تمس ولا تقدر تقول عنها انها مو حلوة المنظر وتسلب العقل ... هذا هو ديل بييرو .... فخلاص يا شباب وقفوا اهاناتكم اللي توجهونها لرمز فريقكم خلاص يكفي شاهدوه وانتظروا منه الابداعات فقط حتى لو ما سوى اي شي انتظروا وجوده في الملعب فقط .... اعذروني طولت عليكم وسامحوني اذا قسيت عليكم بالكلام .. لكن ما انتظرت ان جمهور اليوفي يهاجم رمزه الاول وروح فريقه يعني شوفوا جمهور روما مثلاً ما بعمره قال ان توتي سيء مع انه مقدم اسوأ مستوياته هذا الموسم ومشاركاته قليله اتمنى انكم توسعون مدارككم وعقولكم من هالناحية ... لأن ديل بييرو رااااااااااااااااح يبقى braveheart اليوفي اتمنى انكم تفهموون هالنقطة ...... بالتوفيق لكم جميعاً وتقبلوا مروري وتحياتيلكم جميعاً ... froza juve و froza alex

اخوي من اللي اهان دل بييرو وتهجم عليه ?




نشوفكم على خير