نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

سندريلا الزعيم · #9 10/07/2004, 09:21 PM

هذا موقف صار لي العام الماضي يوم مباراة الإتحاد والزمالك في السوبر السعودي المصري وكنا
بالصدفه بمصر, وركبت راسي إلا أروح للمباراه بالاخير وافقوا أهلي على إني أروح بس يجي معاي اخوي مع انه مايواطن شي اسمه كوره وما يعرف فيهاولا شي.. بس المسكين اضطر يجي معاي..
المهم رحنا للمباراة ومن أول ما بدت وأنا أقول: وش هاللعب الخايس! آه لو انه الهلال كان شفتوا
اللعب الصح,, واذا ضيع لاعب هجمه أقول : لو انه نواف ولا سامي ما كان ضاعت !! والجمهور قليل يعني يسمعوني بسهوله وقاموا يناظروني بذيك النظرات..

وأنا عادي ولا همني قعدت على هالحال طول المباراه ..المهم على بداية الشوط الإضافي الثاني (المباراه انتهت
بركلات الترجيح)على بدايته ضاع جوالي ,,شكلهم دعوا علي !! عاد أنا نسيت المباراه وقمت أدور
جوالي وخلاص شوي وأصيح

وجت ركلات الترجيح وانا ماادري عنهم همني القى جوالي وبس
وبالصدفه يوم فاز الزمالك لقيت الجوال عاد من فرحتي نسيت نفسي قلت بأعلى صوتي :
الحمد الله..
أخيرا!! يوم قلت كذا مالقيت الا ذولي اللي يناظروني كنهم يبون:

وانا ماأدري عن السالفه؟؟
يوم ناظرت الملعب دريت انهم خسروا ويحسبوني مستانسه على خسارتهم وتوي ببرر موقفي.. ما
لقيت إلا ذاك الشايب اللي قاعد ورا يصارخ: مدامك ماتبغينا نفوز وقاعده تتشمتي فينا ليش قاعده عندنا من أصلو!؟ (صادق الشرهه على اللي يقعد معهم )عاد أختكم في الله حطت رجلها قبل لا يجيني شي عاد وحنا طالعين كلهم

حتى أخوي وانا الوحيده اللي

وقاعده أقول :أشوا وجه الزملكاويه زين علي يوم فازوا لقيت جوالي[ أم الشباب حالفه ماترجع البيت
إلا وهي متصفقه] بس الحمدالله السالفه انتهت بجروح سطحيه وبعض الكسور الطفيفه بس!!::