نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - اشتقت لكـ :$ وش اقول .! + سوالف اخر الليل :P

هلاليه سنعه · #16 26/01/2010, 12:11 PM

وعليكم السلام ورحمة الله وبركاته
هلاوين حت حت صباحك شاهي معقود بالسكر

صوره احترافيه من جد والخط هو اللي مخربها

عادي اذا تبين دورة في الخط عندي استعداد اعلمتس واكسب اجر

>>بتنطق لا امزح خطتس وش ملحه وحركة الهاء متعوب عليها

إقتباس


	الحين الكل منا دائما يحتاج لردود جاهزهـ

إقتباس


	ويكون عندهـ ردت فعل سريعهـ وخصوصا بردود الذرابهـ وانا هالشيء فاشلهـ فيهـ فشل ذريع

عادي هذي تصير كثير اما عن عدم معرفه

او ارتباك في بعض المواقف مثلا اعرف لك وحده ..
راحت تعزي ناس من الخوف والارتباك قالت مبروك

تقدرين تزيدين حصيلتس من الاحتكاك بكبار السن ..

إقتباس


	][ من العايدين ][

من الفازلين >> ياقدمها

بخصوص المعايده هني بأي عباره تحبينها
مهوب شئ اساسي نفس الكلمه كلها تؤدي الغرض ..

إقتباس


	بقولتهم ( تشتاق لكـ العافيهـ )

هذي من زمان وانا ناقده عليها

بس ناخذها عن حسن نيه لأنها غالبا تقال
من محبه لا من كره بس تبين الجد
المفروض نصححها مهوب مع الخيل ياشقرا ..

اما عن الاضافه خوذي مثلا :

قرة عينك >> الرد : بوجه نبيك
شخص راجع من السفر يقال له : لاتعبت >> الرد : لاندمت
تقولك وحده وحشتيني >> الرد : مايوحشك غالي

..
اذا طيبك احد ببخور اوشئ >> الرد : طيب الله فالك

اذا تعشيتوا بعزيمه مثلا تقولين اكرمكم الله او سفره دايمه
>> الرد : الله يحييكم او صحه وعافيه ..
كنتوا جالسين على الاكل وجا احد وقال هنهم >> الرد : وأنت منهم
اذا احد قالتس نعيما مثلا قاصه شعرك >> الرد : الله ينعم عليك

..
بعضه من عندي وبعضه جمعته لكم عشان تستفيدون

..

اما الغيره سلاح ذو حدين احيان يدمر واحيان يعمر
يعني مثلا الغيره مطلوبه بين الزوجين لكن باعتدال..
مهوب تنكيد وتفتيش وتطفيش وعدم ثقه للطرفين طبعا
لا تكون عن حب وخوف على الطرف الاخر ..
اما الاخوه والاصدقاء وغيرهم هذي اللي تدمر
لاننا سمعنا قصص كثير ومآسي بسبب الغيره
والسبب الاصلي يكون من الاهل في تفريق بالمعامله بين الاولاد
اوفي تربية الطفل نفسه وزيادة تدليعه فينتج مشاكل بين الاخوه ..
وتأثر على علاقتهم باصدقائهم والمجتمع حولهم ..
وتجعل قلوبهم سودا ويكرهون الخير للناس ..
لو طبقوا الناس حب لأخيك ماتحب لنفسك
كان دنيانا كلها صافيه وعاشوا الناس بوئام ..

حت حت موضوعتس سوالف ليل وانا قلبتها سوالف القايله

اعذريني طولت بالرد بس موضوعك حلوو ومنوع

واجازه سعيده >> تناظرتس بعين تحتري ردتس

..

دمتي بخير ..‘‘