الموضوع: قلبة نصراويه على وجيههم(ادخلوا ووسعوا صدوركم بع ضياع البطولة أمس)
مشاهدة مشاركة بصفحة مستقلة
  #1  
قديم 22/01/2010, 11:41 PM
وسن الهلالية وسن الهلالية غير متواجد حالياً
زعيــم مميــز
تاريخ التسجيل: 09/07/2008
المكان: بزبوز المغسلة
مشاركات: 3,317
Talking قلبة نصراويه على وجيههم(ادخلوا ووسعوا صدوركم بع ضياع البطولة أمس)
السلام عليكم

هارد لك يازعماء ويازعيمات اتوقع فيه منكم ناس ضايقه صدورهم من مباراة امس


موضوعي اليوم فرفشه وهو عبارة عن
نفس الشي مقلب في اخواني
بس مقلب هذي المرة غير شكل
مافيه تخويف ولا ترويع ولا رفعت صوت ولا شي
حركة جديدة ماادري شلون طلعتها بس يمكن من القهر حق ضياع البطولة

لاتقولون لي وش عندك عليهم
(نصراوية قاعدين يهايطون ويستهبلون علي اسكت لهم صعبه)

تبدأ بسم الله وخلوني احكي لكم وش صار امس من بداية اليوم علشان له
صلة بالمقلب

هذا طال عمركم أمس الفجر الوالد صحى اخواني
وقال لهم :روحوا لبيت واحد من الرجاجيل طبعا هالرجال الوالد كان يبغى منه أوراق حق شغل وماادري وش المهم
قال لهم: لا ترجعون الا والأوراق معاكم
الموهيم بعد صلاة الفجر راحوا

لما جات الساعة 7 الصباح وانا مكبرة المخدة على الآخر الا واسمع صوت الوالد
وهو يزف اخواني ويهاوشهم نزلت تحت اشوف وش السالفة
نزلت لقيت اخواني قاعدين بالصالة والاوراق على الطاولة وخذ على تحلطم
لما سئلتهم
وقالوا :السالفة كلها وانهم جابوا الأوراق الغلط
اخوي الكبير قام أخذ الأوراق وعطاني إياها
قال لي أرميها في الزبالة(الله يكرمكم)
عاد انا نقزت قلت له الأوراق هذي ماتصلح؟
قال لي:هذي نبلها ونشرب مويتها>>>>>>>>>>>>>ركزوا على هالجملة


المهم مر الوقت وجا وقت المباراة انا رحت جبت لي شاهي وبسكوت ومكسرات وفله
وقعت من هنا وقاموا أخواني يهايطون من هناك وخذ على ذب وحش

يوم جا الهدف الأول قام اخوي الصغير يقول:الهلال فريق سحره ونصابين وماادري وش الله يـ.....................................

يوم انتهت المباراة عاد انا هذيك اللحظة
قفلت معي:ومن زود القهر ماشفت حتى التتويج
واحد فيهم قال لي:قومي سوي شاهي يابنت نحن ماعندنا بنات يتابعون مبارات هذا فريق هذا مالت عليكم
عاد أنا قلب وجهي صار كذا وقمت وانا رايحه المطبخ اتحلطم شوي وانا اسوي شاهي طلعت في راسي فكرة ويوم كان وجهي كذا صار كذا
المهم رحت جبت وحدة من هذيك الأوراق حق الصباح
وكتبت عليها طلاسم التالي:
1)الحروف الهجائية بالمقلوب
2)العقل السليم في تشجيع الزعيم
3)يحلمووووووووووووووووووون إللي في الدوري يفكرون
4)خبيلان في رومه ضاعت علومه
5)الأرقام بالمقلوب

وسفطت الورقة وحطيتها في كيس صغير وحطيت الكيس في براد الشاهي

يوم حطيت الشاهي وكل واحد يشرب ويقول في طعم غريب
وانا قاعدة اشوف التتويج
وميته ضحك عليهم
اخوي الكبيرة صب آخر فنجان
أنا نقزت وحطيت رجلي على غرفتي

وارسلت له رسالة على الجوال:

(هناك مشجع هلالي قام بصنع عمل الهدف منه تحويل ميولكم لتشجيع الهلال أفتح براد الشاهي لإستخراجه)
المرسل جوال( نادي المسيار)

بعدين جاو اخواني علشان يفقعون وجهي
قلت لهم انتم يوم سئلتم عن الورقة قلتوا لي:هذي نبلها ونشرب مويتها


صحيح انه الهزيمة قهرتني بس المقلب هون علي كثيييييييييييييييييييييييييييير


عاد اعذروني اسلوبي هاليومين رايح فيها في المواضيع عاد استحملوني
والله الله بالردود


اختكم:وسن الهلالية
اضافة رد مع اقتباس