السلام عليكم ورحمة الله وبركاته
كيفكم شباب ان شاء الله بخير
في البداية اعتذر عن قلة المشاركة بالفترة الاخيرة بسبب الاختبار وابشركم شباب امس اختبرت ونجحت والحمد لله هذا بفضل الله ثم المذاكرة ودعاء والوالدين ايضا ما انسى دعواتكم لي والله يوفق الجميع بتحقيق اعلى الدرجات للطلاب ويوفق كل موظف في وظيفته ويرزقه الحلال الطيب
----------------------
فآه وآه ومليون آه على حال اليوفي
وضع الفريق صار يضيق الصدر معاد فيه شيء يجذبك لمتابعة هذا الفريق بالعكس صرنا نخاف من متابعته لان كل شيء ممكن يصر وكل ما قلنا ان شاء الله الامور بتضبط ننصدم بواقع الفريق المرير اكيد فيه اسباب كثير والكل ذكر الي عنده واصلا ملينا من تكرر نفس الاسباب لكن الفريق يعاني من نفس الاسباب من اول موسم بعد الصعود و كثرة الاصابات موب جديد على اليوفي خصوصا اننا كنا نعاني منها في الموسمين الماضية لكن الشيء الجديد هو ان الفريق الحالي كعناصر اقوى من فريق الموسمين الماضية لكن الفرق ان الفريق مع رانيري كان يمشي جيدا ويحقق المطلوب منه وزيادة والدليل ان في اول موسم طلب من رانيري مركز مؤهل للكاس الاوروبية لكن الفريق تاهل الى الابطال وحقق المركز 3 وفي الموسم الثاني اليوفي يخرج مرفوع الراس من الابطال باداء مشرف وينهي الدوري بالمركز الثاني ويكرر نفس ما فعله بالموسم الماضي لكن حدث في نهاية الموسم هزه بالفريق ابعدت رانيري عن الفريق لكن الملاحظ ان الفريق كل ما تقدم موسم هبط مستواه حتى وصل للوضع الحالي مع فيرارا من وجهة نظري ان الي يصير باليوفي هو تراكمات امور كثيرة ليس مجرد مدرب مبتدئ واول سنة تدريب او كثرة اصابات لكن فيه امور كثيرة خلت الفريق يعاني واشوف ان النواحي الادارية اثرت كثير على الفريق وبشكل اوضح الادارة السابقة والحالية تنفذ ما تؤمر به وليس بيدها شيء لان من هم اعلى منهم يريدون هذا الشيء ومن وجهة نظري ان كل هذا علشان يروح كل ما يتعلق في بالادارة السابقة ادارة 2006 وما قبل ايضا علشان تبني الفريق على طريقتها الخاصة
كلامي الي فوق مجرد تخمين ويحتمل الصواب والخطأ لكن واقع الفريق في الايام القادمة راح يكشف كل شيء والضحية للاسف هم الجمهور
----------------------
الله يعطيكم العافية جميعا على المجهود الي تبذلونه من اجل الرابطة مع ان ظروف الي يمر فيها الفريق تخليه يبتعد عنها لكن هذا دليل على حبكم للنادي الكبير وان شاء الله يرجع زي اول واحسن بس متى؟!
تحيتي لكم
اخوكم ومحبكم (يوفي)
