مرحــــبا متعب..

إقتباس اذكر كنا بالابتدائية انا واخوي مدمنين اكل طباشر .. يوميا كان نسرق طباشير من المدرسة من غرفة المدير .. ونجي الغرفة ونقفل الباب علينا وناكلها بشراهة .. اللي اذكره ان كان عليها طعم مو صاحي .. وانكشفنا باحد الايام وداهمونا وصادروا كل البضاعة اللي عندنا .. وتبنا وتعالجنا من الادمان بعد ما تهزأنا .. مدري وش كان جونا يومنا بزارين ..

يخــــــرب بيتـــــــك يابلو سن مالقيـــــــــت إلا الطباشير ..

أجـــــل أنا يوم كنت صغيــــــرة كنت مدمنة مناديل اكـــــل مناديل طول أيام طفولتي تلاقيني
اقطع منديل واكل أذكر مرررره بالأبتدائي كانت الأبلا تشرح وأنا قاعدة اكل منديل زي العلكة وهي

تصرخ علي ذيك الصرخة تاكلين علك بحصتي ياللي ماتستحين وياللي بك وقامت تهاوش وأنا مظلومة وصديقتي تقولي علميها انه موب علك صراحة استحيــــت مدري شقول لها أقول اني اكل منديل موب علك صراحه مو راكبة ماراح تصدق خليتها على العلك احسن.
وانا أسكت ماقلت شي عاد عاقبتني وقفتني طول الحصة عند السبورة قدام الفصل

ادري شطحت اول سرقة لي ..
سرقــــــــــت ريالين من مريول أختي الكبيرة حق فسحتها باكر سرقتها بالقايلة
بعد مانامت عاد لما جت بالمدرسة من بكرا تدور فسحتها مالقت شي وتسأل وأسوي نفسي متهمة وأدور معاها ..
وإلى يومك هذا ما درت بشي

واخر شي سرقتة علك من تسريحة امي قبل لا اروح للجامعة عاد هذا مايعتبر سرقة لأنها درت..

بس لاحظت ان الأولاد صراحة سرقاااااااااااتهم محترفة
وكلها بالبقالات والله من الدوجة بالشوارع..

موضوع رائــــــــــــع أشكرك..