إقتباس الرسالة الأصلية كتبت بواسطة بالثمنيات أمسي عليك بالخير اخوي الفكره .. وطرحك أكثر من رائع مع اني اختلف معك في أكثر من نقطه .. وأهم نقطه اختلف فيها معك هي تركيزك على الدفاع رغم ان معاناة الفريق الحقيقيه تكمن في الهجوم ولا غير الهجوم .. مقولة ( خير وسيلة للدفاع هي الهجوم ) صحيحه 100% وللاسف لم تطبق في الزعيم .. ومو معنى كلامي اني الدفاع سيء بالعكس دفاع الفريق ممتااز وان كان فيه ثغره فهي من جهة الزوري لضعفه في التغطيه .. يجب احضار مهاجم اجنبي وبأسرع وقت والاعتماد على الوسط في التسجيل خطأ كبير وسيكلف النادي الكثييييير .. أتمنى احضار مهاجم لا يقل خطوره ومهاره عن يااااسر فالمهاجمين المحليين لا يعتمد عليهم مع كامل احترامي وتقديري لهم .. لو تشوف نادي الاتحاد والشباب وهم المنافسين الحقيقين للزعيم عندهم مهاجمين محليين خطرين جدا وهدافين ومع ذلك ما قالوا خلاص يكفينا مهاجم وااحد بالعكس راحوا وتعاقدوا مع مهاجمين اجانب وعلى مستوى .. صدقني مشكلة الزعيم بالهجوم فقط فقط فقط هات لك مهاجم على مستوى وراح تشوف كيف الفريق مرعب من جد .. أغلب الانديه وخصوصا القويه منها تلعب بمهاجمين والزعيم يلعب بمهاجم واحد وهو ياسر وعليك ان تتخيل الضغط اللي يكون عليه عندما تكون الكوره معه يعني لازم تسوي شيء والانظار كلها متجهه عليك وانت المسؤول عن اخفاق الفريق و..و..و.. اما لو كان معه مهاجم بجانبه يرتاح اللاعب نفسيا واذا ما كان في يومه يكون اللاعب الثاني حاضر ويغطي كل واحد منهم الاخر ويحس اللاعب بأنه مو كل شيء عليه ويلقى مساحات يتحرك فيها .. قلت الكلام هذا مرارا وتكرارا ومنذ اكثر من عام ولكن لا حياة لمن تنادي واخشى ان نخسر ياسر بسبب الضغط الهائل عليه .. وان يجي وقت ما يقدر يتحمل وتضيع موهبته .. تراه بشر يا جماعه وله طاقه معينه ومحدوده فلا نكثر من الضغط عليه .. اعتذر للاطاله و اشكر لك رحابة صدرك ..

أخوي الثمانيات أهم شيء أن يكون الاختلاف يصب في مصلحة الهلال فأنا لا يزعلني ردود الفعل أيا كانت ..

حاولت أن اوصل في طرحي أن الزوري لا يتحمل ضعف الجهة اليسرى وان سبب وجود الثغرات التي تنتج من الزوري هو سبب فني بحت ناتج عن ضعب اللاعب محمد الشلهوب في التغطية والقتالية مما جعل الجهة اليسرى أكثر جهات الهلال ضعفا حتى الآن .
بالنسبة لموضوع المهاجم الاجنبي أظن أن سياسة الادارة الحالية لن تستعجل في البحث عن مهاجم الا إذا قررت الاستغناء عن نفيز .ولو سألتني عن رأيي أقول المهاجم صاحب القدرات العالية يجب احضاره أول الموسم وليس في منتصف الموسم .

نظرتك للسلوك النفسي للاعب تدفعني للقول متى نشاهد أخصائي نفساني رياضي في نادي الهلال

تقبل شكري وتقديري لحضورك الاكثر من رائع