السلام عليكم

باك بعد احلى تريب في العالم .. ادري وحشتكم

والله اخر اسبوع ونص كنت منقطع عن التلفزيون بشكل كامل والنت بشكل خفيف يعني فكنت مادري عن نتايج او اي شي صاير في الNBA .. يوم وصلت اليوم وجلست على النت جلست ساعتين يمكن اطالع الهاي لايت لآخر اسبوعين

كوبي .. وش بقى ماسواه هاللاعب وآخر شي سواه هو وصوله للمركز الـ 14 في ترتيب المسجلين في تاريخ اللعبه معادلا لاعب اخر نسيت اسمه وانا اتوقع ان كوبي راح يوصل لأول عشره على مايعتزل اللعبه بالراحه .. وتسديدة الصافره امام الكينجس ... انا صراحه شكيت انها متأخره صراحه بس زي ماقال المعلق , موب مستغربه من كوبي شي طبيعي صار .. كيف اكتساح دالاس ياعيال .. 131 : 96

كريس بوش ... اصبح بعد مباراة السبورز افضل مسجل في تاريخ الرابتورز , يستاهل الوحش صراحه شايل فريق تورنتو بشكل كبير .. وبرضو الرابتورز نفسه يقدم مستويات رائعه صراحه وحقق 7 انتصارات خلال اخر 8 مباريات

كليفلاند خسرو اخيرا ... مابغو صراحه .. مع انها خساره مستغربه يعني البوب كاتس فريق عادي يهزم الكافس على ارضه وبين جماهيره مع ان في الهاي لايت كان الكافس متقدم على البوب كاتس بفارق 12 نقطه فجأه اشوفها بول قيم فرق نقطتين وبعدين فرق للبوب كاتس بثلاث .. وفشل جيمس على غير العاده اخر تسديده وخسرو

ولازال الليكرز صاحب افضل سجل حتى الآن بـ 6 هزائم و 27 انتصار

لي عودات كثيره ان شاء الله بس الحين انا بروح انام بعد تعب المشوار