السلام عليكم


مساكم الله بالخير جميعا ..

الفريق قدامه مباراة صعبه جدا بكرى .. الله يستر بس .. اللي يخليني اتطمن شوي انها على النوكامب .. لكن مستويات الفريق في الفتره الأخيره ماهي كويسه وماتطمن .. صحيح اننا نفوز غالبا الحمد لله حتى بدون مستوى لكن مانبغى نضيع نقاط ورانا دوري طويل مره ومباريات كثر التراب .. كويس الفتره الجايه لين نهاية الدوري مافيه منتخبات الا بطولة افريقيا الله لايعيده .. لكن الكاس والدوري والابطال كل ذولي تاخذ مجهودات كبيره من اللاعبين وحيز كبير من تفكير المدرب وتشتيت ذهنه .. لكن الحمد لله ماسبق شفنا تراخي من اللاعبين ماعدا الارهاق اللي اخذ منهم شي كبير في الفتره الأخيره وان شاء الله يكونون قدروا ياخذون شوية راحه في فترة العطله .. ويرجعون فريش جميعا ..


مباراة بكرى أعتقد بتكسر رقم قياسي كبير بالنسبه لعدد المباريات بدون هزيمه .. ماني متاكد من هالمعلومه ياليت اللي عنده الخبر الأكيد يأكد لنا الخبر بالتفصيل .. مباراة اسبانيول كنت اعتقد اننا حطمنا الرقم لكن اذكر قريت اننا عادلناه .. اللي عنده خبر يجيبه لنا الله لايهينكم جميع ..



ابو حميد .. ماعندي اسئله براسي .. بس بشوف وش يطلع معي


1- تقرى جريدة الوسيله ؟

2- وش آخر نكته جتك بجوالك ؟

3- وش آخر رساله ارسلتها من جوالك؟

4- وش نوع المناديل اللي ببيتكم؟ فاين سمايل كلينيكس ... الخ ؟

5- وش جهازك من لحيه ؟

6- وش من سوبر ماركت بالرياض تحبه اكثر .. بنده تميمي سدحان كارفور .. الخ ؟

7- ماشي في شارع 30 وقابلك مطب قوي شوي ماله دخل بالدنيا زي ثلاث ارباع مطباتنا الكريمه .. وش بتقول اول ماتوصل الارض سالم غانم؟

8- لو معك مليار ريال .. وش بتسويبهن؟

9- انت تدري ان الفلوس وصخ دنيا؟ طيب عطن هالمليار اللي فوق!

10- وش تحب اكثر .. Long man ولا Oxford ؟