[السلام عليكم اخواني واخواتي الهلالييين

النقاط القادمة نابعة من القلب واسف اذا كان فيه اخطاء املائية او لغوية لأن هذي اول موضوع لي في هذا المنتدى الرائع وقبل النقاط احب اهني ياسر القحطاني بالمولود الجديد يتربى في عزه ان شاء الله
بسم الله نبدأ

1:هارد لكم الهزيمة الغير متوقعة من النصر اللي بصراحة السبب الاول والاخير من الجمهور لأنه كان واثق جدا بالفوز وكذلك بهزيمة تاريخية بس ما اقول الا قدر الله وما شاء فعل وان شاء الله يعوضونهااللاعبين في المباريات القادمة.

2:البعض يقول لازم ادارة النادي وخاصة شبيه الريح يشوف لنا حل مع استاد الملك فهد فالكل يعرف انه وجه نحس علينا ونحول جميع المباريات للملز : انا اقول تكون في الاستاذ افضل لييييش؟ لأن مثل ما انتم عارفين ان اكبر هم شبيه الريح وهمنا ايضا البطولة الاسيوية وهي لازم تقام في الاستاد والمباريات خارج الارض بيكون سعة الملاعب فيها شبيه بملعب الفهد رحمه الله يعني نلعب في الاستاد عشان ما نتأثر في الاسيوية وتضبط لياقة اللاعبين.

3:كثر الحديث بعد مباراة النصر عن ياسر القحطاني ومستواه صحيح ان ضايع بس مهب بذاك السوء وانا من هذا الموضوع اتمنى من كل قلبي مع اني من اكثر المحبين لياسر ان يكون عيسى المحياني اساسي في مباراة الاهلي وياسر احتياط عشان يحسن من مستواه وينقص من وزنه حتى يستطيع الحركة وتزيد عنده السرعة.
4:لازم الادارة تشوف لنا حل مع مشكلة الظهير الايسر الزوري سيء جدا هذا الموسم. حتى لو نجيب ظهير ايمن ويكون الكوري لي يونق ظهير ايسر.

5:للمرة المليون نيفيز ليس صانع لعب يعني ما يعطيك كورة انت وظميرك ومستواه عادي لا سيء ولا ممتاز ياليت يحسن من مستواه ويقدر الشعار فاخر المباريات اذا انقطعت منه الكورة ما يحاول يا خذها بل يخلي الكورة ويترك اللاعب.

6:الجميع منشغل باعتزال النجم الخلوق نواف التمياط ونسينا ان ورانا مباراة صعبة جدا مع المتجدد الاهلي اللي سوا كل شي في مباراة الشباب كورتين ظائعتين كلها انفراد وكذلك كورة في العارضة وقذائف صدها وليد بس الحمد لله انتهت المباراة تعادل يعني لازم نحذر من الاهلي ولا بتكون هزيمة.

7:الى متى وخالد عزيز خارج التشكيل؟؟ لازم يرجع وفي التشكيل الاساسي لأن الجميع يعرف من هو خالد عزيز افضل محور دفاعي وبتكون عندنا قوة محور دفاعي ومحور هجومي بس ما يقدر يرجع لمستواه الا اذا تعود على المباريات ولعب كثيار وزادت حساسيته على الكورة.

8:ما ادري ليش بس اتوقع ان المدرب جيريتس بيسوي تغييرات في التشكيلة مع الاهلي ومنها نامي بدال الزوري وينتقل لي يونق ظهير ايسر وكذلك الفريدي اساسي بدل الغنام وكذلك عيسى اساسي بدل ياسر وكل هذي التبديلات اتمناه ما عدا التبديل الاول مع ان الزوري سيء.

9:شكر خاص جدا جدا جدا لجميع من حضر مباراة يوم الخميس فواللله انهم بيضوا الوجه وكانوا قد المسؤلية واتمنى حضورهم ومؤازرتهم بقوة امام الاهلي خاصة وكذلك امام الانتر
10:واحد من اخوياي نصراوي متعصب وانا قمت افتخر بجماهيرية الهلال قدام فريقه فقالي تبي تشوف الفرق بين جمهور النصر وجمهور الهلال شف اول مباراة بعد خسارة احد الفريقين يعني قصده شف جمهور الهلال في مباراة الاهلي فارجو منكم الحضور الحضور الحضور فالزعيم ما زال متصدر وبفارق اربع نقاط عن الوصيف
تكفون ياشباب بيضوا الوجه بالحضور ومثل ما انتوا تعلمون انها توافق اجازة وانا اتوقع ان الواجهة بتمتلي بأذن الواحد الاحد.

اتمنى اكون وفقت ف الموضوع وانتظر ردودكم

الموضوع كله من مجهودي ولا هو منقول ولا شي
يعطيكم العافية بالتوفيق لي ولكم وللزعيم