وعليكم السلام ورحمه الله وبركاته
مجهود مشرف ومميز

الكثير منا الا من رحم ربي عايش بهالدنيا بدون هدف لعل ابرز السلبيات
البيئه المحيطه والمجتمع الي يحيط بك طبعا مانقدر نقول هو السبب الرئيسي للفشل
ولكن يعتبر محبط نوعا ما لـ بعض الاشخاص الي ماعندهم عزيمة قويه
مثلا
المجتمع وش نظرته للبنت وش زرع بداخلها ان اهم شي انها تدرس ثانوية عامه وتتزوج
واذا اذا صارت طموحه جدا اخذت شهاده جامعيه
وبس
وبالمقابل الشاب اهم شي يدرس يجيب شهاده يتوظف ويتزوج وخلاص ادى الواجب وزياده

يعني نادر نشوف اشياء او انشطه تنمي طموحات الشباب او مواهبهم
المهم ماعلينا من هالاشياء
احنا باذن الله قادرين نصنع من انفسنا اشخاص لهم قيمه بالحياه

احس الاصعب من تحقيق الهدف هو معرفه الهدف نفسه والسعي له
بالنسبه لاهدافي والله الطموحات كبيره ولكن التسويف وعدم وجود الاراده القوية توقف عائق لنا
من كثر اهدافنا وامنياتنا نسيناها فيه طموحات عندي بس ماتنفع الا لما اتخرج
يعني ماراح اقدر احققها هال3 شهور
حاليا ابرز شي
* اخلص هالسنه على خير واتخرج والتفكير بما بعد التخرج
* انا اشجع العمل الحر والتجاره واستغلال موهبتك
حتى لو كانت بسيطه (دخل اضافي )
اتمنى اني اقدر اخطوا هالخطوه يعني لو ماتوظفت ماحب اكون كذا لو شي بسيط من خلال البيت اسويه احس لي هدف بالحياه
* اطمح ان اتحدث اللغه الانجليزيه بطلاقه
* اطور اشيا في شخصيتي وقلمي واتخلص من بعض الصفات السلبيه فيني
* هالهدف ان شاء الله انه مايكون رياء وانما تشجيع لي ولكم وهو القيام بـ اعمال تطوعيه وتقديم شي لـ لفئات المتجمع المحتاجة
مثل الايتام او كبار السن اقلها الصدقة اهم شي شي يفيدني في اخرتي
* اتقن الفوتوشوب وايضا اصور كم صوره احترافيه واعمل تغطية
* اني مازعل احد مني هالثلاث شهور واهم شي امي وابوي واحاول اني اعطيهم من وقتي الكثير
* اني اكون عند حسن ظن الناس فيني وماسوي شي غلط يعكس صوره سيئه عني
واعمل اشياء تضيف الكثير لي-->(لاتدققون بالصياغه )
* اقدم اي شي فيه مساعده لغيري ويدخل الفرحه لقلبه ويزيل عنه حمل ثقيل او يساعده في انجاز معين يسعى له
سوا كبار او صغار (بروح اشتري كيس حلاو اوزعها على الصغار على الاقل احقق هدف )

وان كان بعض الي كتبتها تعتبر امنيات مو اهداف الا ان القائمه تطول وتطول
وصعب نحصرها
باذن الله اجي اقول وش سويت بعد 3 شهور سوا من القائمه او خارجها
وان كانت الفتره قصيره جدا ويتخللها اختبارات

اتمنى هالحمله تلاقي القبول منكم وتنجح
مو مهم نحقق الف هدف اهم شي هدف ومو شرط يكون مثل الي كتبناه هنا
اهم شي نحس اننا غيرنا شي بسيط فينا ويضيف لنا ويفيدنا باخرتنا وايضا بحياتنا
مانبي نكون اشخاص عادين بهالحياه حلو نتقن لو شي بسيط يميزنا عن غيرنا
مو شرط شي كبير

\

/
كل الشكر لك ياعقد الياسمين ع هالفكره و لـك ولايقاع المطر ع هالاخراج
وماشاء الله بدايه قوية وتبشر بالخير
كل شي حلوو والتنسيق والخلفيه والتصميم حلوين
لكم

إقتباس الرسالة الأصلية كتبت بواسطة هلالي من ارض اليمن وبس ( شكرا لمن علمني هذه النهاية المستفزة )