اولا يعطيك العافية على الموضوع ..

ثانيا بالنسبة لوجهة نظرك في قائدين الرابطة انا اتفق معاك على انه الرابطة ولله الحمد بدأت تتطور وهذا شيء ايجابي .. واتفق معاك ايضا ان الاستاذ محمد غندر ( ابو عبدالله ) ماشاء الله شعلة نشاط داخل المدرج بتوجيهاته وبحماسه وايضا عندما يمسك المايك صوته لابأس فيه ويحمس الفريق وخصوصا في الاهازيج التفاعلية زي حبيبكم مين و ياهلال عزك عزنا .. واتفق معاك ايضا ان الاخ صلاح البطاطي صوته رائع وحماسي .. وكلهم عينين في رآس ..

ولاكن انا اختلف معاك بنقطة ان الاخ محمد العبيد ( على كلامك انه مايعرف ) .. بس بقول نقطة يمكن مايدري عنها الكثير من الاعضاء الي هي ان محمد دائما يحضر قبل المباراة بوقت بدري ويرتب اوضاع الرابطة والعدة ويسوي المايكات ويتآكد من جاهزيتها والامور هذي هو دائما قبل المباراة هو الي يعملها وايضا يعمل اعمال داخل المدرج مايدري عنها الا القريب من محمد او الي موجود بالمدرج دائما ويتابع اجتهادات محمد الكبيرة الله يعطيه الصحة .. وبالنسبة لصوته انا اشوف ان صوته ممتاز يعني ماهو نشاز او انه بارد لا بالعكس من وجهة نظري ان صوته تمام بس يمكن آخر مبارتين للزعيم في الرياض الي هي قدام الاتحاد وقدام القادسية خلال هذيك الفترة كان محمد مريض وكانت فيه انفلونزا فيمكن عشان كذا ادائه ماكان بالصورة المطلوبة .. ولاكن الشهادة لله محمد وجوده داخل المدرج مااكذب ان قلت انه عن 5 اشخاص مجتمعين .. وايضا محمد هالموسم حضر مباريات كثيرة لدرجة الناشئين ودرجة شباب النادي وقاد فيها الرابطة لوحده وايضا فيه اشياء كثيرة حتى لو اقولها لكم ماراح تعرفون محمد على حقيقته ..

و لن نتخلى عن اي قائد للرابطة وكلهم فيهم الخير والبركة وكلهم يكملون بعض ..


عموما بالتوفيق للرابطة ولقائدينها في المباريات القادمة ومن تطور الى تطور ان شاء الله ..



وشكرا مرة ثانية على الموضوع ..



تحياتي ..