إقتباس الرسالة الأصلية كتبت بواسطة غيـَث اول شي هلا بك يالغالي ، وهد اعصابك الرجال رده من زعل من طريقك كلامك لا اكثر ولا اقل ثاني شي ، من ناحية العقد حق نواف اللي بدوا بها الأتحاديين هذا صرح فيها نواف بأكثر من مره وقال غلط ولا يمكن اني اساوم في الهلال ، ورح للتاريخ واسأل .. وخلنا نقول انه قال ارفعوا عقدي ، وين المشكله .!! مهوب ادمي مثلي ومثلك لا له مصدر ولا له دخل ولا له الا هالرويتب والعقد ، وكلها كم سنه ومعتزل ، ولا والله لاني باللي جبت لي شهاده وافلحت مثل غيري ولاني باللي استفدت من الكوره الا الاصابات وبس ، فكر فيها بموضوع منطقي نواف ياما فرحكم وجاب لكم بطولات ، وتفاخرتوا به ايام وايام ، يكفيك انه جاب لك بطولة اسيا في رمضان وانت ما تحلم بها ، بفريق متهالك ما فيه الا الكاتو لا تبخس حق الرجال ، نواف نجم لو ساوم على الهلال مثل ما تقول ما تكفلوا بأعتزاله الأمراء ولا طالبوا الجماهير بعودته ورجعته عن قراره .. الله يوفقه ، ونعم الرجل اللي يستاهل اننا نتفاخر به كهلاليين خلق ودين وموهبه ولباقه وجامعه بينها كلها

هلابك اخي الكريم

والعذر والسموحه على اللي قلته ومشكور
لكن في بعض الناس ماتحترم الرجاجيل

ياخي كل واحد له وجهة نظر ليش السب والشتم


اما بالنسبة لنواف النجم الهلالي

انا ما انكر ان نواف قدم للهلال

لكن اخذ اكثر مما قدمه هذا وجهة نظري

وماراح انسى مساومته للهلال واللكل عارفها

ياخي شف سامي والثنيان كانو يوقعون على بياض للهلال
وهم اساطير الكرة السعودية

ولا نروح لبعيد شف الشلهوب الله يحفظه وقع عقد اقل مايقال قليل بحقه
لكن حبه للهلال لم يساوم فيه

على العموم نواف يظل لاعب كبير في الهلال والمنتخب

والله يوفقه في الدنيا والاخره
ويوفقه في مشوواره بعد اعتزاله.

والسلام ختام