باااااااكـ آقين ...!!


مجنونك يا غنام .. خذ هالإجابات ...:::

إقتباس س1:فتره او لحظه من لحظات حياتك تتمنى ترجع وتعيشها مره ثااانيه؟؟

آآآآآهـ يا ثااااني ثااااانوي .. قسم بالله جنه ... ذيكـ الفترهـ مش ممكن ...!!
ودي أرجع لهاكـ المرحلهـ .. وأضغط START ...!!
ـهههههههههههههههههههههههـ ...!!

إقتباس س2:شئ تحرص دائما على حمله معكــ في كل مكاااان؟؟

نظاراتي .. فقط لا غير ...!!
حتى هاكـ اليوم .. سافرنا أنا وربعن لي للغربيه ...!!
المهم دزينا لأملج .. وآخذنا من هناكـ قارب .. ودخلنا البحر على الفجر تقريباً ...!!
كل واحد منا معه سنارته .. وآخذنا الطعم .. قعدنا نصيد بسمك الغربيه .. والظاهر إننا خلصناهـ عنهم ...!!
ما علينا .. طبخنا فطورنا على القارب .. وأفطرنا ...!!
قال أبو عبدالرحمن ( سواق الباص .. قصدي القارب ) .. فيه جزيرهـ على بعد 30 كيلو داخل البحر ... تبون ندز لمها ...!!
قلنا له قداااااام ... المهم ما بين نصيد ونتفرج ونتميلح ونتهاوش ونتناقش ...!!
وصلنا الجزيرهـ على الظهر .. حنا موقتين أصلاً علشان نطبخ غدانا هناكـ ...!!
المهم الجزيرهـ قسم بالله توووحفه .. وش أنتي يا جزيرهـ لوست ...!!
تقطع الجزيرهـ كلها على رجلينكـ ... والجزيرهـ غير مأهولهـ ... يعني ما فيها إلا حنا ...!!
أخوكـ ( اللي هو أنا ) .. طبعاً لابسن نظاراتي .. عاد أبو عبدالرحمن يبي يوقف القارب ...!!
وعلشان سالفة المد والجزر ذي حقت أهل البحور .. لازم يوقفه بعيد عن الجزيرهـ شوي ...!!
لأن مستوى الماء في تناقص ... فلو يلزقه بالجزيرهـ ... بينشب القارب والوعد الفجر الجاي ...!!
ما علينا .. ربعي بدوا يتقامزون من على القارب ... يطبون بالبحر ويسبحون إلى الجزيرهـ ...!!
صراحه جازت لي الحركه .. أخوكـ في الله .. جاي يمشي مليون .. أومير يطب بالبحر ...!!
بس تدري وش اللي يغبنكـ .. نسيت أفصخ نظارتي ... ـهههههههههههههههههـ ...!!
ما أدري وين راحت النظارهـ ... الأكيد إنها في أعماق البحر الأحمر .. من جهة الشمال .. حول مصر مناكـ ...!!
أشوى إننا في آخر يوم بالسفرهـ ... كنا ناوين نرجع من البحر على العشاء تقريباً ... بنسدحها نومه ...!!
وبكرا نرجع لعنيزهـ ... هاليوم الأخير هذا ... قسم بالله تقل سنه .. وماله أي قيمه بحياتي ...!!
لأنه وببساطهـ ... بدووووووون نظاااااارهـ ... فقط لا غير ...!!
علشان كذا ... جوابي على سؤالكـ .. نظارتي .. فقط لا غير ...!!

إقتباس س3:كل منا يصل في مرحلة عمره وتحدث له نقطة تحول...ماهي نقطة تحول أحــمد؟؟

ينعن أوم النقله النوعيه بالمشاعر .. من هناكـ .. إلى هنااا ... مرهـ وحدهـ عااااد ...!!
يا طويل العمر .. فيه واحد من أعز ربعي يقاله أبو حمد ( محمد ) .. كنت أعرفه من قبل أدخل الروضه حتى ...!!
كانت فيه علاقات قويه بين أهلي وأهله .. أمي تعرف جدته .. وأختي تعرف أمه .. وأخوي رفيق خاله ...!!
المهم .. كنا من قبل الروضه .. إمااا يجي ينام عندنا بالبيت .. أو أروح أنام عندهـ بالبيت ...!!
وكنا في العطل الصيفيه ... نسافر سوااا ... أهلي وأهله .. وكانت الوجهه غالباً أبها ...!!
عموماً .. دارت الأيام .. درسنا الإبتدائي جميع .. ودرسنا المتوسط جميع ...!!
حتى الثانوي .. جميع ... جاء ثالث ثانوي .. أول السنه .. دخل على فصلنا الوكيل ...!!
قال: أحمد .. ضف كرسيك ورح للفصل الثاني .. قلت له: آفآآآ يا أبو عمر ورااااهـ ...!!
قال: أنت ومحمد ما تقعدون جميع ... هذي آخر سنه ... وأنتم راعين لعب ...!!
حاولت إني أثنيه عن رأيه ... لكن كل محاولاتي بائت بالفشل ...!!
عموماً ... درسنا ثالث ثانوي هو بفصل وأنا بفصل ... لكن ما أتسذب عليكـ لو أقولكـ ...:::
إني أشوفه أكثر من ما أشوف أخواني .. حتى أبوهـ .. يقول لي تراكـ تشوفه أكثر منا ...!!
تخرجنا من الثانوي ... أنا تخصصت إدارهـ وإقتصاد .. وهو تخصص تربية خاصة ...!!
كان أبو حمد ( الله يرحمه ) .. حاااار وعصبي .. وكنا نستغل هالنقطه للفرفشه والضحكـ ...!!
وكان ياخذ حقه وزيادهـ .. يعني كل ذبه .. فيها طحله .. وطحلته ما شاء الله تباركـ الله ...!!
عموماً .. في يوم الخميس بالليل .. كنا كاشتين للبر حنا والعيال .. وكان أبو حمد معنا ...!!
المهم .. أنا خندرت ( يعني بي نوم ) .. أومير تطيح عيني على رجل أبو حمد ...!!
والله وأنا أتخيله مخدهـ .. المهم .. حطيت راسي على رجله ... ونممممممممممممت ...!!
صحيت بعد فترهـ على لجة العيال .. وأناظر الساعه .. أثري نايم لي ساعه ونص على رجل الرجال ...!!
خفت ألا الرجال يبي يتحرك .. يبي يغير قعدته بس متحملني .. أومير أرفع راسي ...!!
جاء أبو حمد ( الله يرحمه ) مسكـ راسي بيدهـ .. قال: [ حط راسكـ .. ترا يمكن ما تحصل لكـ مرتن ثانيهـ ] ...!!
أنا وش جاء على بالي .. قلت أكيد يقصد .. منب طايعك تحط راسك مره ثانيه .. قصدهـ أستغل الفرصه ...!!
هالكلام هذا كله يوم الخميس بالبر ... جاء يوم الأثنين ... أبو حمد ( الله يرحمه ) عندهـ OFF ...!!
بس كنا متعودين نفطر كل يوم جميع تقريباً .. المهم أنا أبفطر وأبدز للجامعه ...!!
أوووما أبو حمد ( الله يرحمه ) يبي يفطر ويودي خالته للكليه ... وهالكلام يوم الأثنين 1427/8/29هـ ...!!
أنا رحت للجامعه ... وعلى الساعه 9 وشوي .. جتني رساله على الجوال ...!!
[ أبو حمد يطلبكـ الحل .. ويصلى عليه الظهر بجامع الشيخ محمد بن عثيمين ...!! ] ...!!
آآآآهـ يا قلبي بس .. والله إني أذكر كيف طلعت من المحاظرهـ بدون ما أعبر الدكتور ...!!
أذكر وشلون كنت أشاهق بالأسياب بالجامعه وكل العالم تناظر وتقول وش به هالمهبول ...!!
أذكر وشلون جلست أكلم العيال بالجوال أحاول أقنعهم إنهم يقولون لي إنهم يتسذبون ...!!
بعد ما صلينا عليه .. ودفناهـ بالمقبرهـ .. وبعد ما راحوا الناس .. جلست عند قبرهـ ...!!
وقلت: [ عز الله إنه ما حصلت لي مرتن ثانيه يا أبو حمد ] ...!!
والأدهى والأمر .. يوم رحنا لبيتهم نعزي أهله ... أول ما دخلنا ... شهق أبوهـ وخمنا ...!!
يقول: [ لا تقطعون بي .. تراي أشوف بكم ولدي محمد ] ...!!
حتى أمه .. قالت لأخوهـ .. خل أحمد يدخل .. أبكلمه .. وكلمتني من ورا الشرشف ...!!
مووووقف .. قسم بالله عطاني تعريف بسيط عن الحياة ... والله يعيننا على القادم ...!!
هنا .. نقطة تحول أحمد ... قبلها كنت هزلي وما أبي إلا أضحكـ ...!!
حالياً ... الوضع غير ... ما أقول إلا الله يرحمكـ يا محمد ...!!


.
.
.

<< ابتسامه من غير مضمون ...!!

لي بااااكـ ...!!