وعليكم السلام ورحمة الله وبركاته
ياهلا والله وغلآ السنيورة
قبل مدّة كنت أقول السنيورة ماتجي للمجلس إلا وقت مباريات المجلس والعالمية
وألحين ما شاء الله أشوف تواجدك كثير , استمري على ماانتِ عليه

موضوعك حلو وطرحك ما شاء الله مميز
سوالف الخادمات ياكثر ماتجمعنا , بجمعات الحريم لازم يذكرونهن
وللأسف كثيير الي يشكوون منهم
وبعضهم لا والله ما شاء الله كأنها من العائلة ..
بالنسبة لتعاملي معهم فأنا كنت قبل فترة قريبة ماقد تعاملت مع خادمة أبداً
لكن بعده صار عند اختي خادمة وصارت تجي عندنا مع اختي وأحيانا تنام عندنا
في البداية كنا هايبينها ومانطلب منها شي , لدرجة إني مرة أتهاوش انا وياه عند المغسلة من تغسّل المواعين
ممكن لأنها كبيرة بالسن , بس الحمد لله تعاملها معنا وتعاملنا معها ممتاز الحمد لله
ماواجهتني ولله الحمد مواقف تستحق الذكر إلى الآن ..

إقتباس - تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟

مو كل الخادمات تستاهل اننا نطيح الميانة معها
خاصة اللي كلامهن واجد و تتلقف و تسأل عن كل شي , هذي ماتنعطى وجه كلمتين وردّ غطاهم ,
أما بعضهن لا والله تستاهل من يسولف معها ..
مثلها مثلنا تحتاج من يكلمها يكفي انها بغربة

شغالة إختي ذاك اليوم فاتحة لها النت وأوريها صور لديرتهم وتتفلسف علي , من الصور ورّتني الفندق الي تزوّجت فيه ..

# المفروض إننا نستغل فرصة تواجدهن عندها ونعلّمهن أمور دينهن , ونحفظهم ولو قصار السور من القرآن
~> كم ينالنا من الأجر بعد ذلك , بتروح وبتعلم عيالها وأهلها هناك
في كتب وأشرطة خاصة لهم في مكاتب الجاليات لو نجيبها لهم يستفيدوا بوقت فراغهم خاصّة كتب التوحيد والعقيدة وكتب المسائل الفقهية
..

إقتباس - نظرتك بشكل عام لهم ؟

أرحمهم , وأحيانا أكرههم , الله لايحدنا عليهم
تصدّقين هالحين سهل الإستغناء عنهم خاصة إذا تبينها لشغل البيت والبيت صغير
ما شاء الله الأجهزة الحين متطورة وتريّح , سواءاً غسيل أو طبخ تنظيف ..
بقيمة فلوس الشغالة جيبي هالأجهزة وريحي بالك من غثاهم ..
..
أما السواقين
الله لا يحدنا لهم , ماقد تعاملنا معهم أبداً ولله الحمد
..

[ السنيورة ]

معليش شكلي طوّلت بالرد
لكن الموضوع ذو شجون ~> من زمان وانا ودّي أقول هالكلمة
الله يعطيك العافية

....