ماهي الخطة المناسبة التي ينبغي أن يدخل بها الهلال لقاءه أمام نجران ، وماهي قائمة الـ ( 11 ) لاعب الذين تتوقع بأن يبدأ بهم المدرب اللقاء .؟
 طبعا لازم السيد ايريك جريتس يهاجم من البدايه (وبشراسه) لأن نجران مثله مثل القادسيه بالدفاع واكثر .. ومع مرور الوقت يستبسلون بالدفاع اكثر واكثر .. عشان كذا لازم نسجل هدف مبكر عشان يضطرون انهم يهاجمون ليعادلون وعقبها نزيد الغله من الاهداف .. وبهذا تكون التشكيله الانسب حسب الخيارات الموجوده ..
.............. محمد الدعيع
عبدالله الزوري .. ماجد المرشدي .. اسامه هوساوي .. لي يونق بيو
................. رادوي
محمد الشلهوب ................................ ولهامسون
............. تياقو نيفيز
........... ياسر القحطاني
مع تبادل في المراكز بين محمد الشلهوب و ولهامسون
ومحاولة التسديد من خارج منطقة الجزاء للتكتل الدفاعي المتوقع من فريق نجران ..
لو كنت مكان السيد جيريتس ، ماهي أبرز التعليمات التي ستوجهها للاعبين لتحقيق الفوز ..؟
راح اقولهم ان الكوره ما فيها كبير ولا صغير .. وراح اذكرهم بأقرب الامثله .. من خلال الجوله الفائته .. الفتح تعادل مع الاتحاد .. والشباب فاز بشق الانفس وبهدف يتيم على نجران وفي الرياض .. واحنا بنلعب معهم في نجران .. فـ اكيد راح يكونون اصعب في ارضهم وبين جماهيرهم .. وراح اعطي لاعبيني الثقه الكامله .. بشرط احترام الفريق المنافس وعدم الاستهانه فيه وعدم ضمان الثلاث نقاط ..
ماهي توقعاتك لنتيجة المباراة ..؟
اتوقع والله العالم 2 - 0 للهلال
ماهي رؤيتك الخاصة عن المباراة .؟ (( مساحة حره للعضو ))
مباراة راح تكون صعبه على الفريق الهلالي ومثلها مثل اي مباراة ان خسرنا نقاط هالمباراة ما استفدنا من فوزنا على الاتحاد .. لأن كل فوز ثلاث نقاط .. بغض النظر على من يكون الفوز .. واتمنى ان يعي اللاعبين هذا الشي .. واتوقع ان ما سجلنا في الشوط الاول ربما لا نأخذ النقاط الكامله للمباراة ..!!
لكن لاعبينا قدها وان شاء الله ثلاث نقاط تضاف لرصيد الزعيم من النقاط ..
الف شكر لكم على الطرح الرائع والمحاور الجميله للتناقش فيها
لا عدمناكم ..~
اخر تعديل كان بواسطة » $المظلوم$ في يوم » 18/12/2009 عند الساعة » 10:09 PM | 