السلام عليكم ورحمة الله وبركاته

نايف حسحس الحمد لله على السلامه ياخي فقدناك
اشوف قالبينها غزل انت وابو يعقوب

====

المهم اسامه ابو مفلح لبى قلبك انك
تطرقت لهنري ووضعه في الفريق وبصراحه نحتاج نقاش
زي كذا

====
- هل تتوقع عودة هنري الى مستواه المطلوب والعادي ...؟
هنـري بصراحه يعاني وبشكل كبير في الوقت الحالي يعاني
من فقدانه لمستواه الطبيعي انا مااتكلم عن مستواه يوم كان في القنرز لا انا اتكلم عن مستواه من اول ماجا للبارسا
اول سنه كان هنـري فيها من وجهة نظري افضل من اخر سنه لعبها مع الارسنال وثاني سنه اللي هي العام الماضي كان هنري
في اوج عطائه وكان يفيد بشكل كبير من الناحيه الهجوميه
للفريق كان يملك الحس التهديفي والتسديد وبرضو التركيز العالي
زي ماشفنا هدفه في البايرن واتوقع ان تيتي وقف مشواره الكروي يعني صعب انه بيرجع لمستواه واصلاً لو جينا بالعقل
هذي اخر سنه له مع الفريق وبتشوفون المستوى المتدهور بعد المونديال الافريقي
2- هل يحل انيستا مكان هنري ويفعل المطلـــوب ...؟

انيستا مكانه الطبيعي اهو الوسط لانه يقرا عقل المهاجم صح
في التمرير يعني بصراحه الاندريس مكانه مو لاعب جناح تحس فاعليته تنقص اذا لعب في الجناح الايسر مكانه الطبيعي وسط خلف الجناح لان فاعليته في مركزه الاصلي افضل بكثير من فاعليته في مركز الجناح الايسر

3- هل يحل بيدرو مكان هنري ويفعل المطلـــوب ...؟

بيدرو لحد الآن لاعب ممتاز جدا جدا لاعب يسدد بالقدمين يملك السرعه والروح واستغل الفرص اللي اعطاهياه بيب وحرام مايروح للمنتخب ويشارك في المونديال بصراحه
لاكن بيدرو توه يبيله كم مباراة ويصير توب واتوقع ان مستواه الحالي يخلي بيب مايفكر في لاعب بديل لهنري في فترةالانتقالات الشتويه بيدرو اعطوه الفرصه في مباريات كبيره واثبت جدارته اتمنا له التوفيق

4 - هل تتمنى خروج هنري من البرشا ....؟

الشغله مو تمني الشغله توقع بنسبة 80% خروج هنري بس في ميركاتو الصيف

5- ماذا سيفعل غوارديولا والبرسااذا ترك هنري البرشا ...؟

انا اتوقع اذا استمر بيدرو في التطور الملحوظ
مااتوقع نشتري لاعب بعد خروج هنري ويكون الاعتماد على بيدرو وبويان في مركز الجناح بس المشكله اهي جسم بيدرو
يمكن نشتري لاعب جناح بس اتمنا انه يكون سريع وبطل
وبصراحه انا في وجهة نظري اشلي يونج لاعب ممتاز جدا
وينفع للبارسا
اتمنا ان مشكلة هنري ماتوقف مسيرة البارسا
بالتوفيق للبارسا

===
مشكور اسامه ماقصرت على النقاش المهم بصراحه <<< لك
بانتظار اراء البق بويز