[ALIGN=CENTER]والله مواقف طريفه و حلوه 
أنا عن نفسي يا كثر ما اطيح بهل مواقف 
....................
من المواقف الطريفه التي لا تنسى في ذكرتي .
عندما كنت طالب في المرحلة المتوسطة ، أول ما دخلنا الفصل بعد الفسحة كانت عندنا مادة الجغرافياء .
عاد انا كنت ما احب هل مادة ،، عشان المدرس كان يجيب النوم شرحة يتكلم ببرود وهداوه تخليك تنام غصب
أول ما دخلت حصلت نصف الطلاب موجودين والغريبة إنهم عاقلين يعني ما فيه لجه وإزعاج زي ما كانو يسوونها بعد كل فسحه المهم :
دخلت الفصل وقلت (( إنا لله جانا هل قلق ،، الله يعيننا عليه وقعدت استهبل واقلد إسلوب وطريقة كلام المدرس )) .. والطلاب ميتين من الضحك .. شوي وألقى المدرس جالس على أحد الطاولات ومنزل العقال ومسوي كأنه طالب ومتلطم 
والله إنحرجت من المدرس مره
....................................
الموقف الثاني / كان هناك واحد من الشباب توي متعرف عليه .. والصراحه ما هضمت ذا الرجال مرره 
عن جد لزقه وكل دقيقه يدق علي حتى لما اكون مشغول يجبرني إنه يلقاني الحين .. بالعربي دمه ثقيل مرره وانا ما تجوز لي ذا النوعية 
المهم هل رجال كل ما دق علي اصرفه .
في احد المرات دق علي وانا جالس في احد المنتزهات الحكومية .. قالي وين أنت ؟
قلت والله مع الأهل في المستشفى مشغول مرة .. قال منت فاضي الليلة قلت لا ما اعتقد ..
شوي يوم أحس إن الصوت يجي صدى
أثره واقف جمبي وهو يكلمني 
والله ياهي فشيله .. بس صرفتها وقلت أنا شايفك بس قعدت استهبل عليك ابشوف ردت فعلك
ومشت عليه الغبي
.......................................
الموقف الثالث .
كنت رايح مع الأهل للسوق في جدة .. المهم وديت اهلي للسوق وتواعدت معهم إني القاهم جمب محل للذهب الي نزلتهم عنده .
عاد المشكله ما كان معهم جوال ولا شي .. المهم تواعدت معهم إني القاهم على صلاة المغرب .
نزلتهم ورحت .
يوم جاء الوقت الي ابرجعهم فيه نزلت عند محل الذهب الي نزلتهم عنده وجلست أحتريهم ..
والصراحه تأخرو وانا قاعد احتري وكل شوي المرور يقولي حرك .
الصراحة قفلت معي مرة 
شوي يوم جو وباين عليهم إنهم حاسين بالغلط وحدة من أهلي قاعدة تناظرني بنظرات ( أنا اسفه )
أول ما قربت عندي قلت .. وين انتم حسبي الله عليكم .. قالت (( حسبي الله عليك إنتا بلا في شكلك ))
أثرهم مب اهلي وانا مشبه
...........................................
المهم طولت عليكم وإلا المواقف كثيرة وما تنسي 
تحياتي لكم [/ALIGN]
اخر تعديل كان بواسطة » 100% هلالي في يوم » 20/06/2004 عند الساعة » 01:05 PM | 